金泰子泰國餐廳 (已搬遷) 新店位置

今日去開太子附近，一條街有三間金泰子，所以入去試下。竟然出乎意外地好。環境就簡簡單單，無特別。但食物種類繁多，而且午市套餐又足料又抵食。跟餐有餐湯，是日餐湯是粟米紅蘿蔔湯。我要了個海南雞飯，飯金黃色，大大份，雞份量都唔細，滑而不肥，點醬食仲正。椰汁冰有椰香味，甜甜地。朋友要了蠔仔肉碎湯飯，好多薑絲，仲有蠔仔、肉碎等，飯不會太稔，好味。另一朋友要了冬蔭公豬扒湯河，賣相夠囇吸引，有好多秀珍菇，豬扒大大塊。飲品要了柚子蜜，不會很甜。