泰好記

營業中

休息中

餐廳個名「泰好記」呢個食字名真係好正😆又好記又好好食呀！餐廳環境好寬敞，仲有大卡位坐，呢晚我地7點左右可以直入，但過多半個鐘就開始坐爆晒喇～珍寶蟹肉奄列，叫得做珍寶，果然係份量十足，蟹肉塞到脹卜卜，味道鮮甜，蛋皮亦唔係薄薄一層，非常之有誠意，震撼價只係$98咋！！泰式青咖喱雞+蒜蓉包，青咖喱唔辣，味道超香，配上嫩滑雞件，幾推介加埋蒜蓉包點黎食，會食唔停口架😛蒜蓉炒椰菜苗，啲椰菜苗非常嫩綠，好好食。除左可以揀蒜蓉炒，仲有泰式炒/蝦醬炒/馬拉盞炒/咸魚炒。新年優惠每嗌滿$100就送一隻增量版蒜蓉開邊蝦，我地岩岩好有3隻送，肉質肥美新鮮有咬口，隻蝦仲有唔少蝦膏，真心荀🤩野飲款式都多，我地呢兩杯係椰汁珍多冰同龍眼冰。