摩登堂 (荃灣廣場) (已結業)

荃灣又有新開泰國菜了！摩登堂MORE THAN Thai cuisine and dessert 位於荃灣廣場，店內位置寬敞，有唔少卡位，客人都坐得舒服啲～ 餐廳仲有機械人幫手送餐，雖然唔係啲咩新嘢，但小編見到都覺得非常得意🥹！＊ 椰子香茅奶油蜆湯 ＊ · 8/10椰子奶油湯底非常濃椰子味，口感順滑參加creamy！濃厚椰子湯會夾雜著香茅味解膩，再加上巨量蜆肉，令個湯多咗份鮮味！鍾意椰子同埋海鮮嘅大家，千祈唔好錯過呢個湯～＊ 舊城秘制黑醬油無骨豬手 ＊ · 9/10 秘制豬手係一隻嘅份量，餐廳會將骨上嘅肉都拆曬出黎，方便食用。豬手醬香味超級濃，非常入味，食落啖啖肉超級開心！＊ 辣椒膏炒蜆 ＊ · 8/10 辣椒膏炒蜆份量同椰子香茅奶油蜆湯嘅蜆份量差唔多，都一樣咁大兜！雖然係用辣椒膏，但係因為加左奶油，所以辣味都減低左好多！＊ 泰式奶茶雪山刨冰船 ＊ · 10/10 呢個刨冰超級大份！泰奶刨冰做基地，最頂會有一球雪糕，中間會有芋圓、烤麵包粒，食到底仲發現有仙草！餐廳會配埋煉奶，當大家食到中間發覺茶味越食越濃嗰陣就可以淋上去！大大份又超好味勁滿足～～🪧 摩登堂 (荃灣廣場) (荃灣)荃灣大