拿坡里榴蓮芝士餅 (裝修中)

榴槤❤愛好者既你要黎睇睇~ 小店食物種類唔多，但最多係花心機做好一個皇牌產品，榴槤芝士餅❤❤❤!!! 黎到落單等15分鐘，即叫即整。先講榴槤係用上泰國金枕頭，餅底係佢地自己每日返黎新鮮發酵2個鐘先整到❤。濃濃既榴槤香氣，入口順滑❤，勁creamy❤，淡淡咸香芝士味❤，勁拉絲❤，係口入面可以咬好耐。加上軟糯口感既包包❤，同面果層牛油香氣❤，新鮮出爐熱辣辣!!! 絕對止到我既榴槤癮，一定要趁熱食~ 我地另外再叫左 辣肉腸芝士餅❤ 牛肉粒芝士餅❤ 雞肉粒芝士餅❤ 三款餅既醬汁都係茄汁底，另加海量芝士同新鮮三色椒。辣肉腸 惹味可口，牛肉粒 份量十足，雞肉粒 口感厚實! 中意甜食定咸食緊有岩你心水，我自己私心推薦就一定係泰國金枕頭榴槤芝士餅❤