金麥泰泰國菜館

營業中

休息中

友人話請食飯，梗係佢話食咩就食咩啦～泰國菜哩個地區成行成市，競爭大，所以留得係到一定有質素。店員有泰國人，用少少泰國口音嘅廣東話嚟落單，額外有味道。泰式鳳爪辣味剛好,鳳爪彈牙。生蝦爽甜，蝦肉結實冇痴牙冬蔭功除咗辣，仲有淡淡青檸味，兩人份量已經有大量嘅菇同兩隻大頭蝦，足料到爆都係好味嘅沙嗲，醃料上味又燒得香拼盤一嚟就急不及待俾人夾咗幾舊蝦餅超彈蝦肉味道鮮美。炸物新鮮炸出難怪等唔切影相。芒果糯米飯係泰式必食甜品，芒果甜糯米軟，仲有咩好講。龍眼冰本人就覺得偏淡，可能冰太多，沖淡晒龍眼香。有二人餐加兩個小食，傳統味道冇閃失，下次再嚟試其他。