影片
更多
2023-12-20
251 瀏覽
Jingle bells, jingle bells, jingle all the way.🎅🏻聖誕節就到喇，周圍充滿節慶氣氛🥰🎈，最近去咗一間法日Fine Dining餐廳👉🏻amis✨嘆佢哋特別推出嘅Anniversary Menu，由前菜到甜品一絲不苟，用料上乘新鮮，加上精緻擺盤，每款菜式都好有記憶點，未到聖誕已經嘆咗一餐好滿足嘅大餐🤤～餐廳環境優雅浪漫，充滿現代感✨，無論係慶祝任何節日、紀念日、生日或者一大班人包場gathering都好正～🥖原味法式麵包、朱古力蔓越莓麵包餐前食嘅兩款Sour Dough酸種麵包已經有驚喜，外脆內軟，朱古力蔓越莓麵包有香濃朱古力味，內有蔓越莓乾，令口感更豐富。配兩款自家調配嘅特色牛油👉🏻香草煙燻牛油 & 焦糖牛油，兩款牛油同法包都非常夾，令麵包香氣更出。✨AMUSE BOUCHE特色前菜西班牙車厘茄凍湯：清甜Juicy嘅車厘茄粒配清新水牛芝士，香甜中帶微酸，非常開胃。鵝肝醬開心果棒：珍寶珠造型超可愛😍，外層滿佈開心果碎，香脆口感配香濃鵝肝醬，而家仍然記憶猶新～HOKKAIDO UNI CUP | LILY BLOSSOM MOUSSE北海道馬糞
餐廳環境優雅浪漫，充滿現代感✨，無論係慶祝任何節日、紀念日、生日或者一大班人包場gathering都好正～
🥖原味法式麵包、朱古力蔓越莓麵包
餐前食嘅兩款Sour Dough酸種麵包已經有驚喜，外脆內軟，朱古力蔓越莓麵包有香濃朱古力味，內有蔓越莓乾，令口感更豐富。配兩款自家調配嘅特色牛油👉🏻香草煙燻牛油 & 焦糖牛油，兩款牛油同法包都非常夾，令麵包香氣更出。
✨AMUSE BOUCHE特色前菜
西班牙車厘茄凍湯：清甜Juicy嘅車厘茄粒配清新水牛芝士，香甜中帶微酸，非常開胃。
鵝肝醬開心果棒：珍寶珠造型超可愛😍，外層滿佈開心果碎，香脆口感配香濃鵝肝醬，而家仍然記憶猶新～
HOKKAIDO UNI CUP | LILY BLOSSOM MOUSSE
北海道馬糞海膽百合慕絲杯：簡直係一個藝術品💖，上枱時有乾冰營造出煙霧彌漫效果，增添一份浪漫感。以北海道馬糞海膽配清香百合mousse，再夾埋底層嘅龍蝦湯啫喱，一匙到底，盡試三重口感～海膽濃郁甘香、百合mousse質感幼滑creamy，龍蝦湯啫喱清爽鮮甜，層次超豐富。
CAULIFLOWER VELOUTE | RAZOR CLAM
蘇格蘭蟶子椰菜花湯：呢個湯真心驚豔，必須五粒星⭐️！蟶子煎到熟度啱啱好，肉質極爽脆鮮甜；椰菜花忌廉濃湯極致香濃順滑，清新感十足，同蘇格蘭蟶子互相輝映。
HOKKAIDO TOKACHI MIRAI BEEF
北海道十勝和牛：職員建議和牛四成熟最好食，真心推薦得好好。和牛肉質粉嫩綿軟，油脂感豐富，啖啖「和牛」香，入口即溶🥹。配菜同樣高質有心思，配有青森蒜頭同洋蔥，另有三款醬汁點和牛同食，自家製蘑菇蓉、黑椒汁同山葵，全部同和牛都好夾，仲帶出和牛多種獨特與滋味。
HOKKAIDO SCALLOP AGLIO OLIO
厚切北海道帆立貝香蒜辣椒意粉：Jumbo size嘅北海道帆立貝粒粒飽滿厚肉，外脆內軟嫩；意粉嘅煙韌度啱啱好，朋友食唔到太辣，職員非常貼心地幫佢安排微辣✨，一點香辣味道加埋蒜片，整體味道香而不膩～
DESSERT DU CHEF | Mont Blanc
踏入秋冬，必須要有法國傳統甜品 Mont Blanc嘅映襯✨，滿滿嘅香甜幼滑栗子蓉包住忌廉蛋糕同栗子粒🌰，配香濃雲呢拿雪糕同食，係幸福滿瀉嘅味道啊！
PETIT FOURS
分別有瑪德蓮蛋糕、海鹽焦糖朱古力、榛子脆脆白朱古力，每件小巧別緻，甜度適中各有特色，為整餐飯畫上完美句號🥳～
4 Courses | $888
朋友share佢之前去其他餐廳以同樣價錢食咗一餐fine dinning，質素同體驗都比唔上amis❣️
張貼
