地點：佐敦廟街
菜式：麵
餐牌：湯麵（麵，河，米），輕食，飲品，外賣生料，火鍋配料
三拼 $47
三拼有鮮蝦雲吞兩隻，鮮鯪魚球兩大隻同新鮮牛肉6，7片。鮮蝦雲吞皮薄餡料爽脆，見到唔少蝦肉。鮮鯪魚球好鮮味而口感滑溜彈牙，絕對係啖啖肉。新鮮牛肉都係好彈牙同啖啖肉。三樣材料都好食！加有韭黃段。
拼菜 $6
拼菜有生菜，通菜同菜心揀。通菜份量好多，差唔多有一碗。
轉蝦籽撈麵 $12
麵係幼身，有蛋香又有咬口，質感較乾身，我鍾意加湯一齊食。附上兩條嫩到爆菜心苗。
甜酸炸雲吞 大 $45
甜酸炸雲吞一客五隻，炸到金黃色，整得皮脆肉爽，配有甜酸醬，味道更好。
蜆蚧鯪魚球 大 $45
蜆蚧鯪魚球都係一客五隻，炸到金黃色，皮脆肉彈牙，啖啖肉！蜆蚧鹹香十足，有兩大隻蜆。
時令油菜 $26
時令油菜叫左豆苗，翠綠嫩口，加左少少蠔油就夠味。份量足有一碗。
低糖豆漿 $8
低糖豆漿係瓶裝，夠凍，仲附上膠飲管。
食物質素唔錯，餐廳地方乾淨，裝修光猛，唔怪之得平日午餐時間都好滿。
