沾仔記麵食

營業中

休息中

餐廳：沾仔記麵食地點：佐敦廟街菜式：麵餐牌：湯麵（麵，河，米），輕食，飲品，外賣生料，火鍋配料三拼麵 $48三拼有鮮蝦雲吞兩隻，鮮鯪魚球兩大隻同新鮮牛肉好幾片。鮮蝦雲吞皮薄餡料爽脆，見到唔少蝦肉，係傳統廣東雲吞味道。鮮鯪魚球好鮮味而口感滑溜彈牙，絕對係啖啖肉。新鮮牛肉都係好彈牙同啖啖肉。三樣材料都好食！麵係幼身，有蛋香又有咬口，係完美口感。配紅醋食一流！加有韭黃段。蜆蚧鯪魚球 大 $45蜆蚧鯪魚球一客五隻，炸到金黃色，皮脆肉彈牙，啖啖肉！蜆蚧鹹香十足，有大大隻蜆。時令油菜 $26時令油菜叫左韮菜花，好翠綠，加左少少蠔油就夠味。份量有半碗多啲。郊外油菜 $18郊外油菜有生菜，通菜同菜心揀。生菜份量足有一碗，加左少少蠔油就夠味。低糖豆漿  $8低糖豆漿係瓶裝，夠凍，仲附上紙飲管。食物質素唔錯，餐廳地方乾淨，裝修光猛，唔怪之得平日午餐下午茶時間都好滿。上菜快速，唔洗等好耐。