豚王 (威靈頓街)

營業中

休息中

好耐都冇食過豚王，呢日冇食早餐，餓到個人暈暈地，見到豚王有位，就衝入去食碗麵頂住檔先。 平時嘅我就一定嗌赤王既，但係呢一日唔係好舒服，嗌番豚王穩陣啲。友人就叫左個黑王，加左香味油。以為肚餓會好食啲，非也🙈豚王個面，好多油，食落去豚骨湯味比嗰層油液味蓋左一半，如果唔係個人見暈，焗住食野落肚，我應該唔會再食。友人嗰碗黑王，聞落去幾香蒜味，但係食落去就覺得太重味，完全蓋過晒其他味。同樣地，都衰左係個油字度。同以前大排長龍既時候比，真係無得比。