加多娜天然酵母手作麵包店

營業中

休息中

高人氣法式麵包布甸！麵包布甸已經推出左咁耐，仲以為人氣會減退少少，星期一晏晝四點半會少啲人排隊。點知我哋大概四點二十五分到，前面已經有約三十人等緊麵包布甸出爐。不過流水式作業，好快就輪到我哋去買，每人限買兩個原味、兩個抹茶，店員好好咁提醒我哋要盡快放入雪櫃、兩日之內要食晒。原味法式布甸$15- 個人鍾意原味多啲，布甸好滑，甜味啱啱好，麵包雪凍左之後有啲煙韌，真係幾好味！京都抹茶紅豆麻薯布甸$23- 呢個限定口味唔係唔好食，不過原味純粹一啲。呢個有麻薯喺入面，又有粒粒紅豆同抹茶粉係面，反而搶咗抹茶布甸嘅風頭。抹茶味道好重，因為有紅豆所以比起原味甜多少少。