粵廚點心專門店‧椰子雞煲專賣店

營業中

休息中

去咗佐敦行街，朋友話夜晚想食點心，所以上網搵咗間附近嘅點心店食嘢。鋪頭入邊好闊落，佢有卡位同埋圓枱，同平時食開細細間嘅點心店好唔同。茶位每個$5，旺區來講以呢個價錢都算幾平，我哋兩個唔係太餓，所以叫咗幾個點心食。燒鵝瀨粉，平時都係喺燒味店會食到，點知呢間點心店都有，原來仲要係鵝脾嚟㗎，啖啖肉，個瀨粉煮得都唔錯，唔會太硬。我就食咗個糯米雞，入邊都好足料，仲要有叉燒，蛋黃，個糯米雞好入味，而且個份量都幾大，啱晒兩個人share飲茶梗係要食燒賣啦，燒賣嘅賣相就一般，入邊都係豬肉，如果再大粒一啲會更好。我同朋友都鍾意食香口野，所以叫咗個鮮蝦腐皮卷，上枱嗰陣都勁熱，真係啱啱炸起，入邊都算足料。