影片
更多
2023-06-13
210 瀏覽
早幾日朋友生日，係九龍區就搵左間幾特別既餐廳同佢慶生餐廳以黑色為主調，走英倫復古風格，昏暗燈光，氣氛浪漫，情侶閨密用餐都非常合適晚市套餐價錢親民，大家可用親民價享受精緻、誘人美味的食物，又擁有高級美味的體驗和味覺食物方面:Set Dinner 包括頭盤、餐湯、主菜、甜品及餐飲是日餐酒 : 選擇白酒，味道帶點果香味，易於入口不乾身，配搭生蠔一流餐前小食 : 揀左烤魚乾，少少甜味及烤烘味，口感煙韌，蘸少少沙律醬，咬落香甜，配搭白酒夠曬 Chill頭盤 - 哈蜜瓜火腿伴有機菜 : 清甜既哈密瓜配上鹹香味既巴馬氏火腿，完美既頭盤配搭，再加上黑醋有機菜做沙律，味道清新開胃時令特選生蠔 : 加錢以試食價兩隻生蠔，其中一隻係愛爾蘭蠔，味道鮮甜，肉質爽口，海水味重，另一隻係法國 Fleur Pour Carina ，海水味無咁重，但蠔味、礦物味比較濃郁餐湯 -松露磨菇湯 : 上枱時松露香氣撲鼻，原來用松露磨菇直接打成，湯汁非常濃郁，非常有驚喜椰菜花海鮮湯 : 用椰菜花、沙白、鯽魚打成，味道清甜順滑帶點鮮味主菜 -精選牛扒配特色海鹽 : 牛扒燒到五成熟剛剛好，口感軟淋，味道濃郁，再配搭冰島煙燻鹽丶日本紫
餐廳以黑色為主調，走英倫復古風格，昏暗燈光，氣氛浪漫，情侶閨密用餐都非常合適
晚市套餐價錢親民，大家可用親民價享受精緻、誘人美味的食物，又擁有高級美味的體驗和味覺
食物方面:
Set Dinner 包括頭盤、餐湯、主菜、甜品及餐飲
是日餐酒 : 選擇白酒，味道帶點果香味，易於入口不乾身，配搭生蠔一流
餐前小食 : 揀左烤魚乾，少少甜味及烤烘味，口感煙韌，蘸少少沙律醬，咬落香甜，配搭白酒夠曬 Chill
頭盤 - 哈蜜瓜火腿伴有機菜 : 清甜既哈密瓜配上鹹香味既巴馬氏火腿，完美既頭盤配搭，再加上黑醋有機菜做沙律，味道清新開胃
時令特選生蠔 : 加錢以試食價兩隻生蠔，其中一隻係愛爾蘭蠔，味道鮮甜，肉質爽口，海水味重，另一隻係法國 Fleur Pour Carina ，海水味無咁重，但蠔味、礦物味比較濃郁
餐湯 -松露磨菇湯 : 上枱時松露香氣撲鼻，原來用松露磨菇直接打成，湯汁非常濃郁，非常有驚喜
椰菜花海鮮湯 : 用椰菜花、沙白、鯽魚打成，味道清甜順滑帶點鮮味
主菜 -精選牛扒配特色海鹽 : 牛扒燒到五成熟剛剛好，口感軟淋，味道濃郁，再配搭冰島煙燻鹽丶日本紫薯味、夏威夷黑鹽三款手工海鹽，各有特色
慢煮黑豚梅扒配威士忌黑魚子奶油汁 : 梅頭扒用慢煮方法煮到軟嫩，再搭配威士忌黑魚子奶油汁，口感creamy，味道濃郁
卡邦尼意粉 : 意粉煙韌彈牙，用蛋黃做醬汁充滿蛋香，再配上煙燻腩肉及磨菇片，擺盤精緻又美味
甜品 - 泡泡雜果啫喱 : 頂層用白酒打成泡泡賣相吸睛，入便係多款新鮮生果，再吱新鮮橙汁入去就夠曬 fresh
張貼
