登打士茶餐廳 (已結業)

今晚在油麻地搵了間茶餐廳，叫了幾個小菜同朋友一齊食晚飯。晚市除了有多款小菜外，還有常餐及客飯等。小菜跟了餐湯及飯，冬瓜薏米豬骨湯味道清甜去濕。豉汁蒸倉魚有兩條，豆豉味滲入魚肉內，魚肉結實雪白，而且嫩滑。朋友想食酸野，所以叫了西檸雞，雞扒炸漿薄，而且即叫即做，所以上枱時依然香脆，份量很多，帶點檸檬的酸甜，十分開胃。西蘭花炒鮮魷的魷魚爽口彈牙，西蘭花爽脆。加了$10要紅豆冰，紅豆很腍有椰漿香，不過略甜。