登打士茶餐廳

之前看電視，見到有貓店長一直都想嚟幫襯，點知未幫襯，已經喺新聞見到消息話快結業。貓貓🐱 都在等待領養。所以決定爭取機會，喺結業之前來一次。🥹放工當日，就急急腳過嚟趕係下午茶之前到達，幸好當日不是太多人，可能是星期三關係。餐廳🍴坐位已🈵️，我是坐在走廊加開的一張枱。如食評所見，裏面的氣氛好好，見到有三隻🐱🐱走來走去，一舉一動都吸引所有食客影相拍照。除咗貓貓🐱之外，見餐廳相片食物都好吸引。我點咗公司三文治，真係大大份，薯條亦很多，而且用料十足，最喜歡三文治兩邊都焗得脆脆的…其他食客望見我份公司三文治🥪都嚇一跳，即製熱辣辣，差啲焫親咀。另外，見其他食客叫炒牛河和咖哩…仲有件西多士真係 big size，賣相都非常吸引。有一位食客叫芫荽雞蛋三文治，又係大大份。連個食客自己見到都嚇一跳原來除咗貓貓之外，食物都會令食客歡呼。今次第一次嚟，可惜都係最後一次。近來見很多曾光顧過的餐廳結業….這些特色抵食夾大件的食店逐漸消失….希望大家係番香港幫襯返香港啲餐廳啦。到最後我走嘅時候發現門口排晒長龍。…Read More

就執所以排左一個鐘。今次本身想食小炒王，可惜冇哂，最後叫左一條豉汁蒸黃立䱽+魚香茄子，2人食有2碗飯🍚🍚+2杯飲品☕️🥤，睇到張單寫$88+88，我諗依個就係價錢。揀的餸都係正路野，都係我鐘意食的，正正常常。飯好大碗。未執前黎食過2次，都係2-3年前了。香港食野多選擇，佢係難得幾間茶記我食完之後會encore的，有貓+牆上的畫都係貓的確會令我更記得。睇更多飲食Ig: matchoco.girl_share…Read More

一間外表普通的茶餐廳，究竟有甚麼特別之處值得人們排隊半小時進去？ 這間茶餐廳將於三月底結業，最特別的是老闆娘收養了許多流浪貓。 那些可愛的貓咪會在店內自在穿梭，完全不怕生人。 在排隊等候的過程中，你會發現很多香港人都是名副其實的『貓奴』。這是一間充滿愛的餐廳，氣氛非常好，店內的顧客為彼此帶來了豐富的情緒價值。 作為一間茶餐廳，我不會說它的食物是驚為天人的水準，但味道尚可，份量卻多得驚人，而價格則非常親民。 點碟頭飯的顧客如果是一個人用餐，一定要點『超少飯』才行。 $43的炸雞髀配西多包熱飲，意想不到的是竟然還附有沙律，沙律裡的薯仔特別好吃。 希望老闆娘能早日找到新的地方重新開業，也希望能再次支持這間暖心的茶餐廳。…Read More

其實本身見佢就嚟搬遷想過嚟睇貓咪一打開門，平日下午已經滿座，本身見冇咩貓諗住走好彩店員追番出嚟話有位，感謝坐到入去原來都多貓貓，所有人客都好鍾意貓，氣氛好好！每人低消，只要$20 ，我哋叫咗兩個下午茶餐都幾有驚喜！絕對比想像中好食！第一個係滑蛋爆芫荽多士蛋夠滑，仲有芝士！絕對芫荽控要叫！ 加左錢烘底仲正另外見到台台都叫特厚多士，呢個就冇太多花生醬，比較失色，但都有濃濃嘅香港風味，茶餐亦都好平，值得支持…Read More

最近睇完新聞發現一間超正嘅茶餐廳登打士茶餐廳如果你想同貓貓互動同食飯，呢度真係唔可以錯過🌟 下午茶必試登打士公司三文治配薯條 $52呢個三文治真係超豐富裡面勁足料層次感十足有別一般既公司治 除左餐肉 雞蛋 竟然仲有雞肉🥪✨ 薯條外脆內軟仲要係波浪薯條🍟😍😍簡直係完美嘅下午茶選擇🥰個日好好彩叫到最後一份❣️ 海鮮炒烏冬 $46色香味俱全烏冬有鍋氣🦐🍜最特別嘅係貓奴天堂 🐾💕餐廳入面有三隻可愛嘅貓店長忌廉色布丁奶，黑白色茄子 同埋白雪雪牛奶糖作為貓奴一邊享受美食，一邊同貓貓親密接觸，真係太幸福啦！🐱💖 貓貓們仲會不時係你身邊行過，心都融化，真係唔想走！ 不過要留意啦～～餐廳做到月底就結業啦如果想來就快🥹有興趣領養貓貓既朋友餐廳都歡迎大家為佢哋找到一個溫暖嘅家。💖🏠 快啲約埋朋友一齊去享受美食同埋貓貓嘅陪伴❤️保證會愛上呢個地方！🎉🥳登打士茶餐廳油麻地砵蘭街105號地舖#Foodie_aki #yum_yum #foodie_aki油麻地#油麻地美食 #油麻地茶餐廳 #貓奴日常 #貓貓茶餐廳#登打士公司三文治 #薯條 #公司三文治 #香港美食#登打士茶餐廳…Read More

梅菜扣肉飯其他快餐霸王蔥雞OK喎個例湯仲要好好飲青紅蘿蔔湯，真心推介，最可惜係佢舖頭太細根本冇地方可以擺貨或者擺多幾個位，喺大環境經濟同埋小本經營加超級貴嘅租金之下，人人都咁困難嘅時候，依然救助流浪貓，真係難能可貴。真係極少數嘅人先可以做到，呢個世界嘅人太扭曲，真係需要多一點愛。你呢度就搵到了，一個遠離人性醜惡嘅地方，喺呢個大家都見到我嘅貓貓非常友善，治愈了自己救助既路真係好困難，當你嘅銀包得返$10你依然攞晒$10出嚟幫助別人，這是世上最可貴的———-愛希望各位略盡綿力積少成多…Read More

貓星人茶餐廳，一早就已經聽過，今日咁啱喺附近經過，決定入嚟試吓，一入嚟已經有一隻反轉咗個肚等你即刻摸幾下，坐低係有自選套餐$65 或者12款是日快餐，由於而家係下午時間，所以我都係揀咗金牌自選套餐，雞扒配腸仔煎蛋+咖喱汁，咖啡，等餐嘅期間，繼續玩貓貓🐱，佢哋唔怕人，見到大概四隻，應該仲有幾隻瞓着咗，真係好開心可以同貓貓咁近距離接觸一齊食午飯，我諗我未試過😍除咗貓貓Cafe飲下茶點食吓小食，一齊共進午餐就真係冇啦，都OK，一般茶餐廳質素食得開心，心情靚靚…Read More

今日行經旺角，想食茶記下午茶，就入去食！入咗去揀咗卡位坐低，冷氣十足好舒服，望咗下午茶餐牌，就叫咗一個西多士加凍檸茶。我個人喜歡此懷舊味道，雞蛋加花生醬啱我口味！間唔中有貓貓經過好乖，唔會阻住你食嘢，佢哋懶洋洋喺店內行來行去及睡覺💤，好得意😊有隻貓店長叫糖糖，盡忠職守看舖頭招呼客人並無偷懶，討人歡心！ 我會再次光顧，試吓其它東西！就這樣過了一個悶熱的下午！還有雞髀沙律可以推介，見到大大份！下個星期再去幫襯吓先😋…Read More

食物質素差，衛生麻麻就咁放貓貓行黎行去吸客，完全無理會食物同環境質素，加上放貓係鋪內完全不理會貓貓安全，去到見到貓可走出馬路邊行來行去，只不過用動物招生意，差評。…Read More

茶餐廳比較舊式，門口有戶外座位，啲佬坐喺度邊食邊🚬，入面左右2邊有卡位座位，中間就方枱圓櫈，多人嘅時候要搭枱喔！🐓🥗 鹽酥雞配雜果沙律 (HK$48）．口感非常酥脆，有啲似炸芋角咁．雞肉口感軟滑，不油膩，味道幾好喎．配份量勁多嘅雜果沙律，有不同水果粒之外，仲有薯仔粒同椰果㗎！🍋☕️ 熱檸茶．正常的濃郁紅茶底配幾片檸檬當斜對面的一枱客走咗之後，俾我見到貓店長之一嘅牛牛瞓喺嗰度。我見佢啱啱瞓醒，就行過去坐低，佢俾我摸吓佢一陣間，伸個懶腰之後又瞓番嚕。…Read More

有一次睇J2台的一個節目介紹過呢間有貓貓嘅舊式茶餐廳，星期日放假就同朋友來試試！🐱😎這裏的貓貓都曾經是流浪貓，店長把牠們暫時收留在這間茶記。有興趣領養的朋友可以問問店長的！🤗😬食物方面真的很便宜，我們點了兩個下午茶餐！芫荽滑蛋三文治份量十足，餡料很多，好濃的新鮮芫荽味，十分好味！😋😍炸雞髀也炸得夠熱，十分脆皮。由於是即叫即炸的關係，大約要等15-20分鐘！🙈😆😬如果好似我咁鍾意貓，但又不能養貓的人，值得一去呀！🐱😛😆…Read More

如果真的喜歡貓我覺得不要去覺得只是利用貓增加生意餐廳衛生環境十分差 地下立黐黐 雜物十分多很多紙箱 還有烏蠅飛來飛去 看到收銀櫃位置地下一堆垃圾檯面拿餐具的櫃桶十分污糟貓咪在這樣的環境下來行去😅如果愛錫貓應該不會這樣吧 😅服務 可以說是零 等餐時間十分耐食物方面超難食 你們可以看看圖片 揚州炒飯沒味加炒燶乾炒牛河 沒味道牛肉乾身韌 河粉斷開還有貓咪身體腳板十分污糟我真的覺得只是利用貓咪去圖利本人有養兩隻貓貓絕對不會這樣對待貓貓真的十分差…Read More

這是一間可以與貓同坐之舊式旺角茶餐廳！這間茶餐廳位置不起眼的登打士街附近，所以店名也是以登打士街命名，已經在旺角多年，內𥚃的環境和裝潢都保留了上世紀80至90年代的款式！在這兒食野的最大特點，不是他好好食，而是你可以與貓兒同坐一起用餐。這兒的貓兒已習慣與客人一坐和用餐。 這兒是街坊茶餐廳，所以下午茶連凍飲都是四十餘元，以旺角來說算是唔貴！要味道比多十至廿元去其他地方可能有更好的選擇，要玩貓就唔錯，值唔值得來就見仁見智！…Read More

身為貓奴嘅你，有無試過抱住種”隔離飯香”嘅心態，走去啲喵Cafe撚其他貓😽？嘻嘻😁總係覺得似去咗😺💖貓版怡紅院搵喵姑娘呢(邪念起🥴)今次我哩位奴才無去到Cafe, 反而去左間位於砵蘭街嘅喵喵茶餐廳——登打士茶餐廳，當日坐館嘅有兩隻喵喵❤️分別有白色貓(棉花糖，半歲), 同埋豹色貓(?，3個月)，真係好嫩口架姐😋餐廳裡面大多數都係熟客仔，佢地甚至乎會帶埋玩具同坐館嘅喵喵玩😂。聽老闆娘講，屋企一共有十幾隻喵，全部都係無家可歸嘅浪浪🐱，而老闆仲話好開心d喵喵咁痴人，唔會擔心被人領養咗之後就唔理人🥰要撚貓，當然都要幫襯下人地，蓬勃一下人哋個浪浪基金！由於我地下午茶時間去到嘅關係，所以就叫咗個🥞招牌西多士($36)同埋🌱🥪芫荽滑蛋三文治($35)。🥞西多士大件，香脆！但係更值得一題係芫荽蛋三文治🥪，餡料夠多之餘仲有新鮮嘅淡淡芫荽味🌱，十分好味😋各位喵奴如果你都想好似我咁紅杏出牆，都可以考慮下哩到喎😂登打士茶餐廳 (油麻地)📍油麻地砵蘭街105號地舖…Read More

朋友介紹呢間貓貓茶記，咁啱到咗下午茶時間就入嚟試吓。點了一個咸魚雞粒炒飯$45，一份雞髀配西多$40，餐飲凍檸茶同凍奶茶。先講個炒飯，材料有生菜絲同咸肉，蔥，蛋炒得夠咸香有鑊氣， 味道中上，份量算大碟。炸雞髀夠脆皮，炸得夠熱，味道就好好唔太咸。至於半份西多士，真係好正，多士夠厚身，食到滿滿蛋漿味，多士中間仲有花生醬餡，配埋糖漿食一流，雞髀餐都只是$40，真心好抵食！2杯凍飲味道正常，如果可以走塑，轉做紙飲筒/可重用飲筒就更好更愛地球了。而呢度最特別的是環境呢！今日就見到3隻貓貓追逐大戰，玩得好開心，而全場觀眾食客亦看得好刺激，是一次很特別的用餐體驗。…Read More