登打士茶餐廳 (已結業)

朋友介紹呢間貓貓茶記，咁啱到咗下午茶時間就入嚟試吓。點了一個咸魚雞粒炒飯$45，一份雞髀配西多$40，餐飲凍檸茶同凍奶茶。先講個炒飯，材料有生菜絲同咸肉，蔥，蛋炒得夠咸香有鑊氣， 味道中上，份量算大碟。炸雞髀夠脆皮，炸得夠熱，味道就好好唔太咸。至於半份西多士，真係好正，多士夠厚身，食到滿滿蛋漿味，多士中間仲有花生醬餡，配埋糖漿食一流，雞髀餐都只是$40，真心好抵食！2杯凍飲味道正常，如果可以走塑，轉做紙飲筒/可重用飲筒就更好更愛地球了。而呢度最特別的是環境呢！今日就見到3隻貓貓追逐大戰，玩得好開心，而全場觀眾食客亦看得好刺激，是一次很特別的用餐體驗。