捌加廿陸天婦羅居酒屋

營業中

休息中

平時都好少會食天婦羅，不過今次想試吓新嘢，平時經過油麻地都見到呢間好多人排隊，所以今次就嚟咗呢度試吓呢間主打天婦羅嘅餐廳。 今次同朋友就試咗呢個自選天婦羅丼，佢入面都有唔少嘢可以揀，朋友就揀咗帆立貝，竹輪，雞肉，蟹柳，金菇配鰹魚湯烏冬。而我就揀咗黑虎蝦，帆立貝，牛肉餅，雞肉，蟹柳，金菇配飯。 絕對係估唔到有咁多食物，原來都可以造成天婦羅，而且亦都好好食。特別係蟹柳同埋金菇，呢兩樣絕對係我從來都未見過造成天婦羅嘅嘢相當特別，而且口感亦都好好，佢哋嘅天婦羅皮全部都炸得啱啱好，脆得來亦都唔會太過油膩。而且絕對會推介黑虎蝦，比起平時出面食嘅天婦羅蝦，呢度嘅蝦係特別鮮甜，加外層脆卜卜嘅天婦羅，絕對係一直難忘。而佢哋嘅鰹魚湯烏冬亦都煮得相當入味，而烏冬亦都好彈牙，算係水平之上嘅烏冬。