捌加廿陸天婦羅居酒屋

好耐無去旅行，真係好掛住日本既野食同氣氛！放工約左朋友去旺角食飯，佢話帶我去間叫「捌加廿陸」既充滿和風裝潢的小店止下癒。去到門口已經覺得好令，裝修真係好有日本feel，餐廳分上下兩層，環境好舒服，仲有好多打卡點可以影相📸。聽講呢度主打價格親民既天婦羅丼飯，即刻入去坐低睇menu先！.先黎個滑蛋豬扒丼 $68🐷。哇，塊豬扒真係大大塊，完全遮住左d飯，炸粉吾會太厚，肉質仲keep到juicy。上面淋左滑蛋同洋蔥，甜甜地既醬汁滲入左豬扒同飯入面，好開胃。d飯粒軟硬適中，撈埋蛋汁食一流😋。成個set仲有迷你沙律同味噌湯，食完個飯飲啖湯，滿足感爆燈，性價比幾高！.最正係呢度有自選天婦羅定食，只係$30起，真係勁抵食🔥！岩晒有選擇困難症既人，可以樣樣都叫黎食。我地飯底+$8轉左香蔥牛油飯，爆多蔥粒鋪係飯上面，加埋牛油香，撈勻之後每一啖都充滿蔥香同油香，未食餸都扒左半碗飯🍚。天婦羅方面，穴子+$22必叫，成大條上碟，魚肉好綿密；珍寶蟹柳+$18真係珍寶size，絲絲分明好有口感🦀；鱚魚+$18我都係第一次食，魚味幾鮮甜，口感好滑；黑虎蝦+$12爽口彈牙，炸漿夠薄；雞肉+$12嫩滑吾柴；金菇+$8炸到好似扇咁，咬落去脆卜卜好過癮🍄。.小食方面叫左唐揚魷魚鬚 $38🦑。炸得好香口，外脆內軟，魷魚鬚好有嚼勁但吾會韌到咬吾開，調味岩岩好，同朋友share食岩岩好。.飲品就叫左雀巢檸檬茶同蘋果汁🧃，都係$10杯，食炸野飲番杯凍野解膩最爽🧊。.…查看更多

雖然當日無緣品嚐招牌的活龍蝦天婦羅，但這家充滿和風裝潢的小店，仍以出色的炸物留下深刻印象。環境舒適，樓上雅座更顯愜意，且價格親民，絕對是物超所值之選。小食拼盤 $78拼盤集結多款炸物，各有特色。雞軟骨香脆爽口，墨魚粒彈牙鮮美，炸雞鎚則肉質嫩滑又多汁，整體表現相當出色。原隻軟殼蟹天婦羅 $68軟殼蟹炸得外層酥脆而不油膩，內裡肉質鮮甜，口感層次豐富。蒲燒鰻魚丼 $88鰻魚厚身肥美無骨，鋪滿濃郁的蒲燒醬汁，與白飯完美融合，每一口都讓人滿足不已。自選天婦羅定食 $112定食附湯與沙律，更可自由搭配湯底、配料及主食，打造個人專屬組合，體驗極佳。這次選了蕎麥麵配海老味噌湯底，麵條順滑，湯頭濃郁，再灑上櫻花蝦，香氣十足。配料方面精心自選左五款。黑虎蝦：爽口彈牙，鮮味突出，必試之選珍寶蟹柳：粗身飽滿，一絲絲蟹肉口感十足鮮帶子：大粒軟彈，鮮甜味美廣島蠔：外脆內軟，蠔味濃郁南瓜：香甜可口天婦羅整體水準甚高，炸漿薄脆不厚，完美鎖住食材原味。淋上天婦羅汁，鹹甜交融，更添風味。…查看更多

📍 捌加廿陸天婦羅居酒屋 (旺角)今日係收工既時候落一場大雨，好多人成身濕曬，我地都唔例外，我地經過旺角近窩打老道附近有間日式居酒屋，裝修到餐廳好似自己身處日本咁，好有日本人放工去消遣咁，餐廳入面非常熱鬧。餐廳出名天婦羅，決定試一試。⭐️滑蛋豬扒丼 $68滑蛋豬排丼，豬排大大塊，同個碗一樣大，飯粒軟硬適中，湯汁連豬排一起吃，幸福指數爆燈🩷⭐️海老穴子天丼 $108海老包括穴子、黑虎蝦、蟹柳、南瓜、本菇、紫菜、四季豆，天婦羅份量十足，如果選擇自選可以碗麵，烏冬等，配什麼都可以，炸炒非常薄，唔會成口油味，乾脆，再配上特制天婦羅汁，十分入味，如果唔夠可再點龍蝦天婦羅。⭐️芝士吉列豬扒 $58吉列豬扒內有好豐滿既芝士係入面，熱辣辣配上柚子醋同埋蛋黃醬，真係好好食。🔥⭐️雞皮餃子 $48餐廳炸物非常優秀，炸完上碟唔會有好多油，感覺不會太油膩，雞皮香脆內軟，好juice👍🏽👍🏽😎⭐️炸菠蘿雪糕 $28餐廳炸菠蘿是亮點，餐廳用天婦羅方法處理，出奇地與海鹽雪糕非常夾，好似食緊西多士，非常推薦大家揀。🔅🔅需另加一服務費🔅🔅——————————————- 📍 捌加廿陸天婦羅居酒屋 (旺角)🏠 旺角窩打老道31-39號翠園大廈一期地下33A號舖…查看更多

係旺角有間可以自選天婦羅丼飯既餐廳就好似doraya咁可以自選刺身丼好似幾有趣所以去左試下位置係廣華醫院格離對住窩打老道d舖位門口好多牌都幾易認我地星期日 五點八左右到達仲可以直入餐廳有兩層地下係bar檯位樓上係tatami位我地就坐左樓上座位就寬落d不過要除鞋牆身貼滿晒動漫野QR code落單都有寫明晚市要加一既好像車仔麵咁可以自己揀餸或者有指定丼飯既所以先話有d似doraya咁我地就揀左一個自選丼定一個指定丼自選定食仲可以轉烏冬咬口都唔錯另外仲加多左個吉烈豬扒香脆唔鞋口定食同自選都揀左虎蝦大大條自選仲揀左帶子都好大粒下連半熟蛋都有得揀天婦羅有d似炸蛋但無咁厚皮兩個定食都有跟味噌湯同沙津雖然要捧上黎樓上但都仲係熱辣辣唔會油淋淋麵衣亦都唔算厚整體係食得好滿足既落番地下門口埋單兩個定食加埋吉豬連加一大約三舊水正常價位餐廳有動漫feel服務OK都唔錯可以一戰有限時六十分鐘食完出門口見到已經大排長龍都有唔少捧場客係香港呢個時勢都真係算少見所以都係早少少黎比較穩陣…查看更多

平日夜晚七點經過餐廳門外已經有十個人左右喺度排隊，大約排左十五分鐘就有位，餐廳有上下層，下層全部係吧枱，氣氛幾好。🍽️原隻軟殼蟹天婦羅 $48軟殼蟹幾大隻，咬落唔會成口炸粉，幾香幾多肉，配上飛魚籽同紫菜食好好味，價錢公道。🍽️煎鵝肝配蘋果 $58鵝肝味道濃郁細膩，口感柔軟，入口似奶油咁喺口中融化。鵝肝同蘋果一齊食，爽脆嘅口感中和咗鵝肝肥膩嘅感覺，幾夾。🍽️自選天婦羅定食 $30起定食除咗飯，仲可以揀凍或熱嘅烏冬、蕎麥麵，亦跟埋湯同沙律。我哋叫咗冷酢橘蕎麥麵 (+$8)，湯底酸酸甜甜幾清爽開胃。天婦羅方面叫咗鮮帶子 (+$18)、帆立貝 (+$12)同紫菜蝦膠 (+$12)。帶子同帆立貝都幾鮮甜，中心部份仲好濕潤；紫菜蝦膠味道好夾，唔錯。🍽️海老穴子天丼 $108天丼賣相非常吸引，金黃色嘅天婦羅鋪滿成個碗面！呢個丼好啱我呢啲選擇困難症心大心細咩都想試吓嘅人～天婦羅有穴子、黑虎蝦、蟹柳、南瓜、本菇、紫菜同四季豆，每款都炸到金黃色，炸粉均勻唔會好厚，食落外脆內軟而唔油膩。米飯上充滿特製醬汁，結合咗酥脆同鮮味，好好味。穴子味道清淡爽口，肉質細膩；黑虎蝦肉口感爽口彈牙而且鮮甜，整體唔錯有日本嘅質素。🍨炸菠蘿雪糕(海鹽雪糕) $28炸菠蘿片連雪糕一齊食一凍一熱幾得意！食完炸物食返啲酸酸甜甜嘅甜品好清爽！整體唔錯，難怪平日都咁多人排隊！…查看更多

旺角捌加廿陸好有日式小店feel，好有氣氛，坐得都幾舒服，可以望住師傅炸天婦羅今次揀咗自選天婦羅定食，配鰹魚湯蕎麥麵，湯底鮮味清新，蕎麥麵夠爽口天婦羅全部即叫即炸，炸衣薄脆唔油，啖啖都有香脆口感。 松葉蟹鉗（$23）同鮮帶子（$18）都幾鮮甜，穴子（$22）大件綿滑無腥味，黑虎蝦（$12）爽口彈牙，半熟蛋（$12）切開有流心，拌飯／撈麵都好加分。另外叫咗蒲燒鰻魚丼，同一隻活虎蝦天婦羅，魚肉細嫩、醬汁甜鹹平衡以旺角嚟講價錢合理，加上可以自選配搭，幾啱鐘意天婦羅同定食嘅人慢慢坐低食一餐。…查看更多

旺角天婦羅居酒屋！炸物酥脆多汁，海鮮天丼$88夠抵食細細間充滿日式風情，天婦羅外脆內嫩，性價比超高，食過返尋味～🤤必試招牌海鮮天丼$88✨黑虎蝦彈牙鮮甜、帆立貝厚肉鮮嫩，仲有那歌魚、蟹柳、本菇、紫菜、四季豆多款時令食材，每件天婦羅外皮薄脆不油膩，鎖住食材鮮味，加埋特製醬汁配飯，每一啖都超豐富，$88有呢個水準真係抵到爛！👍🏼自選天婦羅定食$129🌟精選靚料一次過歎！松葉蟹鉗肉厚鮮甜、廣島蠔肥美多汁，鰻魚蒲燒香甜、黑虎蝦彈牙，仲有四季豆、冬菇，每件炸得金黃酥脆，配埋清爽冷蕎麥麵同流心半熟蛋，夠飽又唔膩～雞皮餃子（5隻）$48🥟 雞皮脆香，內餡飽滿，咬落脆卜卜又多汁，配埋居酒屋氛圍，簡直係下酒神器，一人食幾隻超過癮～即叫即炸，火候掌控一流，天婦羅唔會過油，食材新鮮度滿分，價錢親民，旺角想歎地道天婦羅，呢間居酒屋可以一試！👌🏼…查看更多

出左去開會可以早啲放工好處係唔使排隊😍好！開！心！入座後用QR code落單～有set揀之餘，都可以自己配搭～兩款都會有麵豉湯、沙律，仲有天婦羅汁一齊上枱我同朋友就揀咗：特盛海鮮天丼黑虎蝦2隻、那歌魚、帆立貝、鱔魚、四季豆&金菇海鮮非常新鮮！口感層次豐富黑虎蝦大大隻～肉質彈牙～蝦味重而且鮮嫩那歌魚有半條魚咁長！入口啖啖肉～冇腥味帆立貝彈牙有咬口金菇散開～炸成花嘅形狀～外觀靚之餘～食落有金菇嘅爽口口感自選天婦羅定食豚骨湯烏冬、珍寶蟹柳、竹輪、粟米芯、蓮藕、南瓜、茄子&杏飽菇珍寶蟹柳成隻手掌咁大條！配搭多款蔬菜天婦羅炸得金黃酥脆～保留了食材的鮮甜茄子同杏飽菇好滑嫩～豚骨湯濃郁醇厚，烏冬彈牙～ 芝士年糕炸到微焦香脆～入面嘅芝士融化柔滑真係難以抗拒小食拼盤 （是日配搭為炸雞•雞軟骨•魷魚鬚）炸雞外酥內嫩雞軟骨嚼勁十足魷魚鬚脆口啱晒同朋友一齊share🥰👯分享美食歡樂卡路里👯‍♂️P.S. 雖然已經有好好味嘅天婦羅汁但係都仲有其他調味料任君選擇！細心！⊹₊˚‧︵‿₊୨ᰔ୧₊‿︵‧˚₊⊹🇯🇵一拉開門係去咗日本嘅感覺啊！🎏心情即刻好興奮！一路都想嘗試樓上雅座～不過已經俾人book晒店員提我哋可以下次早啲打電話嚟book枱！走嘅時候，見到條隊好長🙈 心入邊已經好感恩☺️…查看更多

發現呢間專注天婦羅嘅日式小店人氣極高，成日都大排長龍，門面充滿日式氛圍，店內以木系裝修為主，掛著暖黃燈籠🏮，座位以bar枱設計倍感溫暖親切👍🏻開放式廚房可以望到師傅即炸天婦羅，日式風味濃厚，適合朋友或一個人靜靜享受日式風味🤞🏻收工放假嚟食個飯、飲杯汽水，輕鬆又滿足！✔️ 海老穴子天井〔真心推介😋〕$108👍🏻 穴子鮮嫩👍🏻 黑虎蝦爽彈👍🏻 蟹柳絲絲分明👍🏻 南瓜外脆內軟👍🏻 紫菜薄脆✔️ 特盛海鮮天井〔真心推介😋〕$108👍🏻 黑虎蝦彈牙鮮甜👍🏻 那歌魚嫩滑👍🏻 帆立貝外脆內嫩👍🏻 四季豆炸得香口👍🏻 不油膩✔️ 雞皮餃子（5隻）〔真心推介😋〕$48👍🏻 雞皮脆👍🏻 肉餡多汁👍🏻 惹味配 醋汁👍🏻 更開胃✔️ 波子汽水〔真心推介😋〕 $18👍🏻 日式風味👍🏻 氣泡十足👍🏻 解膩👍🏻 童年回憶…查看更多

旺角呢間天婦羅居酒屋真係抵到爆！環境夠晒有特色，燈光暖暖哋，木系裝潢滿滿日式氛圍，坐低即刻有種返到日本居酒屋嘅感覺，傾偈食嘢超舒服～最正係兩款抵食天丼！$88嘅海鮮天丼料多到瀉，有彈牙黑虎蝦、鮮甜帆立貝、嫩滑那歌魚，仲有蟹柳、本菇、紫菜同四季豆，炸得外脆內嫩，配埋熱辣白飯超惹味！$78嘅經典天丼都唔輸蝕，兩隻黑虎蝦夠晒誠意，仲有蟹柳、南瓜、蓮藕同四季豆，口感豐富又飽肚～仲有小食拼盤芝心爆漿嘅芝士年糕飲返支凍冰冰波子汽水，成個組合正到癲…查看更多

今次同朋友來到旺角一間人氣極旺的特色天婦羅居酒屋，店內充滿濃濃日系風格，由裝潢到餐具都帶有日本街頭居酒屋的味道。炸物係佢地的強項，無論試咩款都炸得乾爽不油膩。即使係繁忙時間，人流絡繹不絕，依然保持高質水準。滑蛋海老丼海老炸得香脆，蝦肉爽彈無雪味，份量足夠，滑蛋柔軟濕潤、蛋味香濃且掛汁，每一口同白飯一起食十分滿足。整體味道平衡，簡單但非常討喜。特盛海鮮天丼真係名副其實「特盛」，炸物超豐富！黑虎蝦：兩大條，肉厚爽彈，咬落充滿鮮甜，那哥魚：炸皮薄脆，魚肉嫩滑，帆立貝：肉質厚實，口感鮮嫩，鱚魚：魚味清甜不腥，金菇同秋葵：吸收醬汁後更惹味，每件天婦羅都炸得乾身不油，入口爽脆，飯面配上特製醬汁鹹甜度剛好，非常好食！小食拼盤包括炸雞塊、炸魷魚、炸雞軟骨三款。炸雞塊：外脆內嫩，肉汁豐富炸魷魚：煙韌有嚼勁。炸雞軟骨：香脆有口感，佐酒一流配搭一個拼盤，好啱一班朋友分享！紫薯紅豆豆腐雪糕味道相當新穎，豆腐雪糕質感滑身，帶淡淡豆香，配上紫薯泥及紅豆，甜度適中，飯後來一個非常舒服。提子汽水汽水香甜清新，微微氣泡感，能解膩又醒胃。…查看更多

第二次來這家日式居酒屋。這次錯開晚市高峰，吧台有位。紅白燈籠掛在頭頂，牆上貼滿海報，氣氛熱鬧但不擁擠。面前就是炸爐，看師傅起鍋落網，油聲不斷，很治癒。店員反應快，茶水添得勤，說話直接有禮。這裡主打天婦羅。即點即炸，衣薄脆，落口不油。我們照舊先要炸物拼盤：雞鎚、魷魚、雞軟骨。外層酥，裡面嫩。另再來一份炸魷魚，加深滿足。主角是海老穴子天丼。碗裡堆成小山：蝦、穴子、蟹棒與本菇、四季豆、南瓜等時蔬，疊成小山。甜鹹醬汁滲進米飯，不死鹹，飯粒保持乾爽。配的龍蝦味噌湯鮮味突出，熱氣撲面，很舒服。甜品也有心思。必點炸菠蘿配海鹽雪糕，熱冷相遇，菠蘿酸甜，冰淇淋把油氣收走。另點豆腐冰淇淋配紅豆泥與天婦羅小甜薯，豆腐味濃，甜度克制。兩個人分著吃，份量足。高峰時段要排隊；若不介意等，想在燈籠下聽著油泡聲，吃一碗滿載的天丼，這裡值得坐一回。…查看更多

呢間小店裝修好靚，裝修雅致不失溫馨。樓下吧台望住店員製作食材，樓上閣樓用榻榻米設計坐得好舒服，好似入咗日本小館咁滑蛋豬扒丼穩陣高水準發揮，豬扒外焦内嫩，加上金黃滑嫩嘅雞蛋，絲絨般覆蓋豬扒上中和油膩感，鹹香嘅醬汁渗透哂肉質同米飯海老穴子天丼裡面有七樣食材，包括穴子（海鰻）、蝦、蟹柳、南瓜、本菇、紫菜同埋豆角，配埋清新嘅天婦羅味甜甜哋，意想不到咁豐富！雞皮餃子雞皮包住豬肉餡，香脆又夠味，咬落爆汁超juicy，力推芝士年糕香濃流心嘅芝士超級好食，唔單止有年糕嘅彈性，仲有芝士拉絲，加埋金黃脆皮好好味…查看更多

香港餐廳選擇咁多，會令人再去嘅餐廳一定係有佢嘅過人之處👍🏻好似呢間天婦羅店咁，佢嘅自選天婦羅丼完全啱晒我心水，鍾意食乜都可以自己揀，唔驚有我唔食嘅配菜🤓仲可以自己揀主食，白飯/蕎麥麵/烏冬都有，對於平時覺得天婦羅配飯好乾嘅我嚟講真係超感動🥹喺香港食天婦羅絕對唔平，但係呢度人均唔洗$150，性價比極高🉑我自己最推薦呢幾樣配料⬇️🦐紫菜蝦膠：外脆內軟，蝦膠彈牙紫菜又香🐟穴子：勁大條！魚味好香，炸完肉質仍然滑嫩🦪廣島蠔：大大粒又多汁當日閒日7:00pm嚟到都大排長龍！強烈建議大家先WhatsApp訂位，咁就唔洗大熱天時係條街等啦😉…查看更多

鴛鴦鰻魚丼飯 $98第一次食鰻魚天婦羅😻皮好脆好薄，唔會太油膩，食落仲食到鰻魚啲油脂，值得一試海鮮天丼 $88丼入面有黑虎蝦、帆立貝、那歌魚、蟹柳、本菇、紫菜同四季豆嘅天婦羅🫶🏻黑虎蝦幾大隻，食落好夾彈。那歌魚係自家製嘅魚餅，質地好彈牙，調昧幾好！成個丼嘅份量都好多，好抵食！原隻軟殼蟹天婦羅🦀 $68軟殼蟹炸至脆卜卜，蟹香濃郁再搭配埋蟹籽同沙律醬好惹昩整體餐廳食物質素唔錯而且價錢好合理，可以同朋友一齊嚟試下…查看更多