影片
更多
2021-12-01
274 瀏覽
同朋友收工去到油麻地搵食，嚟到出名多嘢食嘅呢幢大廈，睇水牌見到有個雞煲一於去試一試。餐牌上面都有幾多款唔同嘅雞煲選擇，當然有平日食開嘅重慶麻辣雞煲，連雞煲翅、胡椒豬肚雞煲、藥膳雞煲、螺片花膠雞煲都有！不過最吸引我嘅都係辣酒花螺雞煲，辣度由走辣到大辣不等。辣酒花螺雞煲 小辣（半隻）雞煲一上枱，店員就好細心提醒我哋需要煮多2分鐘左右先可以食。一打開蓋，聞到一陣好香嘅雞煲味，上面仲加左唐芹同芫荽，增加左香味。雞煲入面嘅雞唔會話俾啲頭頭尾尾，都算係啖啖肉，花螺就唔算大隻，不過都幾有鮮味。配料方面，就被芝士響鈴吸引咗，上枱嘅時候熱辣辣，每個仲大約有半隻手掌咁大添。咬落去仲脆卜卜，喺響鈴入面包左一塊芝士片，識落有陣陣芝士味，都幾有趣。另外仲有手打四寶丸，蝦丸彈牙，有蝦味，唔會感覺好多粉。牛丸咬落就實身少少，不過味道加埋個醬汁就可以啦！墨魚丸都有兩款，分別係墨汁墨魚丸，同普通墨魚丸，兩者我覺得墨汁墨魚丸比較特別係真係有墨魚味嘅餘蘊～最後梗係唔少得肉啦，嗌咗黑豚肉腩，都幾大盤下兩個人食啱啱好。肉質就肥瘦分明，配合埋雞煲嘅醬汁，加埋豬肉本身嘅油分，濃味又夠滿足呀！我哋入咗嘅時候差唔多7點，到8點左右已經
同朋友收工去到油麻地搵食，嚟到出名多嘢食嘅呢幢大廈，睇水牌見到有個雞煲一於去試一試。
餐牌上面都有幾多款唔同嘅雞煲選擇，當然有平日食開嘅重慶麻辣雞煲，連雞煲翅、胡椒豬肚雞煲、藥膳雞煲、螺片花膠雞煲都有！不過最吸引我嘅都係辣酒花螺雞煲，辣度由走辣到大辣不等。
辣酒花螺雞煲 小辣（半隻）
雞煲一上枱，店員就好細心提醒我哋需要煮多2分鐘左右先可以食。一打開蓋，聞到一陣好香嘅雞煲味，上面仲加左唐芹同芫荽，增加左香味。雞煲入面嘅雞唔會話俾啲頭頭尾尾，都算係啖啖肉，花螺就唔算大隻，不過都幾有鮮味。
配料方面，就被芝士響鈴吸引咗，上枱嘅時候熱辣辣，每個仲大約有半隻手掌咁大添。咬落去仲脆卜卜，喺響鈴入面包左一塊芝士片，識落有陣陣芝士味，都幾有趣。
另外仲有手打四寶丸，蝦丸彈牙，有蝦味，唔會感覺好多粉。牛丸咬落就實身少少，不過味道加埋個醬汁就可以啦！墨魚丸都有兩款，分別係墨汁墨魚丸，同普通墨魚丸，兩者我覺得墨汁墨魚丸比較特別係真係有墨魚味嘅餘蘊～
最後梗係唔少得肉啦，嗌咗黑豚肉腩，都幾大盤下兩個人食啱啱好。肉質就肥瘦分明，配合埋雞煲嘅醬汁，加埋豬肉本身嘅油分，濃味又夠滿足呀！
我哋入咗嘅時候差唔多7點，到8點左右已經全場爆曬啦，好彩去得早。
張貼
