吞POT 雞煲火鍋.住家菜 (譽發廣場)

營業中

休息中

有時收工已經九點，都會順便喺油麻地同同事食埋晚飯。有陣時想去打邊爐嘅話一定去吞pot，皆因呢度九點半後全部火鍋配料小食都有半價😍抵食又好食。我哋多數去都係食雞煲，鍾意呢度雞煲嘅調味，麻重一啲，食得好爽。比起坊間食到嘅雞煲更加重口味😃配料今次最出色就係封門柳，珊瑚蚌，封門柳牛味極度濃郁，而且不易變韌，所以熟啲都OK，珊瑚蚌好新鮮，爽口彈牙。另外當然唔少得每次嚟都必點嘅炸魚片頭，外脆內彈牙，真係好正。整體嚟講，正價都唔算貴，九點半之後仲有半價嘅話真係唔使諗😂食完真係大滿足。