影片
更多
2018-09-01
351 瀏覽
呢排日日都落雨唔知去邊好，又無理由哂左日假，咁岩喺openrice見到呢度既tea buffet幾平，於是就決定黎試下未夠三點已經有幾台人喺出面排隊等入座，大部分都係香港人，相信都係被價錢吸引而來～餐單上大致都係啲中式點心、煎炸小食，話明係tea當然有多款甜品選擇環境雖然唔係好大，但座位都幾闊絡，窗口位開揚，望住街景食下野感覺幾悠閒舒適。值得一讚係酒店員工既服務態度，收碟同斟水好有效率，亦會主動提點客人外面有飲品吧。右邊係熟食，左邊係沙律、三文治、冷盤、甜品等～冷盤剩係得鮮蝦，但大大隻、食起黎亦新鮮，肉質結實，而且fill得好快，長拎長有出面有得嗌即煮拉麵，唔想咁濃味可以自取冷麵，清清地，夏天食岩哂，唔會太滯，冷麵汁調得唔會過鹹。豉油雞翼煮得好入味，一咬就離骨；炸花枝餅唔會好油，脆口得黎花枝餡鮮甜彈牙。因為中午食左啲野，所以快快手食完熟食就主攻今日既主角－－甜品！！鮮果類菠蘿同西瓜都好清甜，唔係糖水味，好新鮮。左下角既brownie朱古力味濃郁，口感紮實鬆化，裡面仲有啲杏仁片增加口感；右下既薯仔麵包布甸幾特別，加左切粒既薯仔，食起黎口感綿綿中帶薯香，唔怪之餘反而中和左麵包布甸既甜漏。出
未夠三點已經有幾台人喺出面排隊等入座，大部分都係香港人，相信都係被價錢吸引而來～餐單上大致都係啲中式點心、煎炸小食，話明係tea當然有多款甜品選擇
環境雖然唔係好大，但座位都幾闊絡，窗口位開揚，望住街景食下野感覺幾悠閒舒適。值得一讚係酒店員工既服務態度，收碟同斟水好有效率，亦會主動提點客人外面有飲品吧。
右邊係熟食，左邊係沙律、三文治、冷盤、甜品等～
冷盤剩係得鮮蝦，但大大隻、食起黎亦新鮮，肉質結實，而且fill得好快，長拎長有
出面有得嗌即煮拉麵，唔想咁濃味可以自取冷麵，清清地，夏天食岩哂，唔會太滯，冷麵汁調得唔會過鹹。豉油雞翼煮得好入味，一咬就離骨；
炸花枝餅唔會好油，脆口得黎花枝餡鮮甜彈牙。
因為中午食左啲野，所以快快手食完熟食就主攻今日既主角－－甜品！！
鮮果類菠蘿同西瓜都好清甜，唔係糖水味，好新鮮。左下角既brownie朱古力味濃郁，口感紮實鬆化，裡面仲有啲杏仁片增加口感；
右下既薯仔麵包布甸幾特別，加左切粒既薯仔，食起黎口感綿綿中帶薯香，唔怪之餘反而中和左麵包布甸既甜漏。
出面仲有得拎crepe再自由加鮮果/果醬/不同配料，我自己就中意鮮果加杏仁同脆脆。
自己加食起黎爆哂餡，別有一番滋味
迷你popcake，一塊五蚊銀大小小，唔怕食得太多會易飽，楓糖漿係用靚野，好香楓糖味
最後出自助飲品吧沖返杯檸水解解膩，仲有espresso、果汁同奶茶，一應俱全。唔知去邊好，想平平地同朋友/屋企人嘆下tea過個悠閒既週末，呢度不失為一個好選擇
張貼
