影片
更多
2023-11-24
31 瀏覽
今日去油塘探朋友，佢又帶我嚟到佢平時鍾意去嘅開餐地方同我食飯，呢間小廚，集合茶餐廳同埋小菜館於一身，既有茶餐廳小炒又有風味小菜。記得上次嚟過一次印象都唔錯，今次我哋叫咗三款菜式。酸菜魚$148 天氣涼涼哋，食一啲熱又辣辣地嘅嘢就最暖身。呢個酸菜魚我哋揀咗小辣，上菜時見到窩酸菜魚好大，又紅卜卜，有啲擔心會唔會太辣，handle 唔到。但食落去又唔會真係超辣果種，微酸少少麻辣。啲魚片都幾多，大大塊又白雪雪，完全冇細骨。另外，啲配菜都唔少，有大大件嘅雲耳，大量爽口大豆芽菜，豆卜，酸菜。當然仲有寬粉，寬粉同豆卜吸入晒d湯汁精華，越食越開胃又越食越辣，夠刺激。蜜椒薯仔牛柳粒$118呢個牛柳粒有鑊氣超惹味，黑椒蜜汁均勻咁鋪上牛柳，甜甜地又少少辣辣地，好佐飯。牛柳大大粒，口感軟腍，完全唔會韌。薯仔亦香口粉嫩。好喜歡這個色香味俱全嘅菜式。臘味炒芥蘭$108 秋風起，最適合食臘味。而家芥蘭又當造，order 咗呢碟臘味炒芥蘭。大大碟，芥蘭爽嫩，臘腸同埋臘肉肥瘦適中，咸香油潤，好味道。
酸菜魚$148
天氣涼涼哋，食一啲熱又辣辣地嘅嘢就最暖身。呢個酸菜魚我哋揀咗小辣，上菜時見到窩酸菜魚好大，又紅卜卜，有啲擔心會唔會太辣，handle 唔到。但食落去又唔會真係超辣果種，微酸少少麻辣。啲魚片都幾多，大大塊又白雪雪，完全冇細骨。另外，啲配菜都唔少，有大大件嘅雲耳，大量爽口大豆芽菜，豆卜，酸菜。當然仲有寬粉，寬粉同豆卜吸入晒d湯汁精華，越食越開胃又越食越辣，夠刺激。
蜜椒薯仔牛柳粒$118
呢個牛柳粒有鑊氣超惹味，黑椒蜜汁均勻咁鋪上牛柳，甜甜地又少少辣辣地，好佐飯。牛柳大大粒，口感軟腍，完全唔會韌。薯仔亦香口粉嫩。好喜歡這個色香味俱全嘅菜式。
臘味炒芥蘭$108
秋風起，最適合食臘味。而家芥蘭又當造，order 咗呢碟臘味炒芥蘭。大大碟，芥蘭爽嫩，臘腸同埋臘肉肥瘦適中，咸香油潤，好味道。
張貼
