旺記冰室 (大本型) (已結業)

之前最近屋企嘅大本型商場上面個food court進行大裝修,知道將會新開好幾家食肆,所以一直都好期待。呢幾日知道呢度終於開番啦,趁住今晚要執屋唔得閒煮飯,就拉阿肥過嚟試新嘢喇。 呢間旺記冰室嘅位置最好,喺正food court嘅大門口位,一上到嚟就已經到喇無需要再尋尋覓覓,佢個廚房就好似open kitchen咁,係人都可以了解得到佢哋嘅製作過程同埋工作情況。我哋有理冇理都坐低咗先,先再慢慢研究佢餐牌有啲乜嘢食。職員走埋嚟同我哋講,有好幾款set都已經賣哂喇...得番1,4,5,6,7,11wow我哋都唔係好晏嚟姐,咁早就已經賣哂喇好!!!阿肥就揀咗6號嘅鮮忌廉雞湯鮑魚火腿絲通粉,配埋4.3牛奶炒日本滑蛋,然後佢決定+$5蚊升級要奶油大脆豬,仲好刁鑽咁要龍鳳檸樂*可樂要ZERO~而我就揀咗11號set嘅大滿足啖啖肉豬扒炒蛋印尼雙撈麵,配熱奶茶。 阿肥個餐個奶油脆豬超吸引,烘到脆卜卜咁樣,佢食咗啖個通粉即刻雙眼發光叫我試下,原來係好香濃嘅雞湯味,唔似得有啲茶餐廳會用味精湯,阿肥已經開心到話佢可以成日落嚟食喇。 而我嗰份豬扒炒撈麵相比之下就會普通咗小小,因為冇湯飲哈哈哈~但係塊豬扒真係出