水門泰式海南雞飯專門店

營業中

休息中

最近喺油塘呢個美食沙漠，新開咗間主打海南雞飯的小店，我梗係即係走去試試啦！店子不設堂食，只做外賣。食物方面主打泰國菜式，除咗主角海南雞飯，另有泰式豬手、冬陰公湯等等。今次我叫咗個二人餐。二人餐跟半隻海南雞或豬手、明爐大蝦冬陰公湯、生菜肉碎包、泰式特飲兩杯及雞油撈飯。餐牌上食住雞油撈飯係「任裝」，都幾有趣，我就唔需要加大喇，普通一碗就可以。番到屋企後立即開餐。首先當然試一試主打的海南雞啦，海南雞係會凍上，手法都幾正宗，而且由於我叫咗半隻的分量，所以有齊雞胸、雞髀的部分，而兩者肉質同樣鮮嫩，尤其是雞胸，完全唔嚡口，值得一讚，分量亦充足。雞油撈飯雞油香味不算好突出，飯粒偏乾身，口感一般。明爐大蝦冬陰公湯湯料足，所以湯味亦好濃郁。大蝦有3隻，質素亦見新鮮，幾好，只不過對於不嗜於辣的我有點太太太辣，受不了。如果你鍾意食辣的話，不妨叫番碗挑戰下。生菜肉碎包之前食過的泰菜餐廳的生菜肉碎包，通常肉碎都會調味得比較惹味、有點太濃味，呢間的出品相對地比較平和一點，食起來不會覺得好油膩、好heavy，夾埋生菜食，一流。整體來講，水平中等，但仍然值得一試。