大快活

營業中

休息中

尖沙咀一到Lunch 時間度度都咁多人，呢間大快活唔洗等位，採光度十足，好光猛，坐嘅位都算舒服 。-沙薑豬扒飯+熱齋啡$42雖然叫沙薑豬扒，但竟然可以一啲沙薑味都冇，同一般煎豬扒無異，而且塊豬扒仲Dry 過我嘅感情生活，乾爭爭，最終忍唔住要攞包李錦記豉油滋潤下佢。齋啡都係咁，普普通通。-沙薑雞(半隻)配白飯&點都唔落味精老火湯 $55啲雞熟得啱啱好，所以好嫩好滑，佢唔比d 沙薑我點，而係已經整到好有沙薑味，不過佢都會另外俾啲薑蓉。至於老火湯，真係好鮮甜。