天下茶屋 (置富第一城)

營業中

休息中

第一城日式烏冬！呢間餐廳都幾多人排隊等外賣，之前喺深水埗分店食過lunch，燒咖喱飯系列都唔錯，今次會嘗試下佢個烏冬，湯底嘅選擇幾特別。醬油豬軟骨湯烏冬$66- 我揀咗櫻花蝦明太子薯蓉忌廉湯，就咁飲過湯都幾重薯仔味道，蓋過咗明太子味，食到最後因為薯蓉好飽肚，都幾濟。豬軟骨偏鹹，質素普普通通啦，都係咖喱飯系列好味啲。燒咖哩芝士唐揚炸雞飯$65- 滿滿嘅半融芝士，加上爆汁嘅流心蛋，送咖喱飯食一流！唐揚炸雞肉質乾咗少少。抹茶豆腐飲$20- 叫咗走甜走冰，抹茶都係比較淡，豆腐好似融入唔到杯飲品入邊，變咗水還水、渣還渣。