影片
更多
2025-05-29
925 瀏覽
之前食過呢間cafe嘅其他分店☕️今次就嚟食下佢哋喺沙田嘅副線，呢度喺走西日式路線，有丼飯烏冬等等，當然仲有佢哋嘅招牌甜品，窩夫、刨冰、芭菲都有齊晒🍧吉列豬鞍白咖哩島冬 定食一人前 $208呢個定食一人前套餐有齊前菜、小食、主餐、甜品同飲品，非常豐富🤩小食有幾款選擇，我哋就揀咗明太子玉子燒，蛋香十足🍳而蟹肉蟹籽沙律以醋汁做基底，感覺清新🥗嚟到主菜就叫咗呢個份量十足嘅吉列豬鞍白咖哩島冬🐷烏冬上面鋪咗一層加咗薯蓉嘅cream，質感好輕盈，就咁食都唔會覺得膩😋而下面就係咖喱烏冬，入面仲有啲洋蔥同埋菇菇增加口感🧅而吉列豬鞍係原件上，一切開噴晒煙，仲有啲肉汁流出嚟🤤雖然咁大嚿一齊炸，但係肉質完全唔乾，而甜品方面我哋就加咗$58升級做迷你窩夫，可以揀餐牌入邊任何一款口味嘅窩夫😆窩夫有兩舊，雖然話係迷你，但係size都唔細，窩夫上面淋咗一層鹹香嘅奶蓋🍼再灑上紫薯粉，再加埋芋泥一齊食，感覺好滿足，最後餐飲方面我哋亦都補咗差價叫咗洛神花水果茶🍎呢個係一款暖笠笠嘅果茶，入面有大大嚿嘅生果，味道就有啲似mulled wine，帶有肉桂香味😌濃·蝦汁意粉 $128見到佢哋新出咗濃蝦汁系列，就叫咗個意粉嚟試吓🦐一
吉列豬鞍白咖哩島冬 定食一人前 $208
呢個定食一人前套餐有齊前菜、小食、主餐、甜品同飲品，非常豐富🤩小食有幾款選擇，我哋就揀咗明太子玉子燒，蛋香十足🍳而蟹肉蟹籽沙律以醋汁做基底，感覺清新🥗嚟到主菜就叫咗呢個份量十足嘅吉列豬鞍白咖哩島冬🐷烏冬上面鋪咗一層加咗薯蓉嘅cream，質感好輕盈，就咁食都唔會覺得膩😋而下面就係咖喱烏冬，入面仲有啲洋蔥同埋菇菇增加口感🧅而吉列豬鞍係原件上，一切開噴晒煙，仲有啲肉汁流出嚟🤤雖然咁大嚿一齊炸，但係肉質完全唔乾，而甜品方面我哋就加咗$58升級做迷你窩夫，可以揀餐牌入邊任何一款口味嘅窩夫😆窩夫有兩舊，雖然話係迷你，但係size都唔細，窩夫上面淋咗一層鹹香嘅奶蓋🍼再灑上紫薯粉，再加埋芋泥一齊食，感覺好滿足，最後餐飲方面我哋亦都補咗差價叫咗洛神花水果茶🍎呢個係一款暖笠笠嘅果茶，入面有大大嚿嘅生果，味道就有啲似mulled wine，帶有肉桂香味😌
濃·蝦汁意粉 $128
見到佢哋新出咗濃蝦汁系列，就叫咗個意粉嚟試吓🦐一拎到上枱已經聞到好香嘅蝦味，果然入口creamy得嚟亦都蝦味十足，意粉嘅軟硬度都煮到啱啱好，配料方面就有大大隻嘅蝦仁同埋車厘茄😎呢個意粉本身唔係喺一人餐入面，但係都可以升級做定食，有一個沙律同埋一杯嘢飲☕️嘢飲方面就升級左做凍芒果烏龍茶，兩者嘅味道都平衡得好好
唐揚魷魚鬚 $68
另外我哋再叫咗個小食，呢個炸魷魚鬚嘅份量都幾大😙而佢嘅沙律醬更加係畫龍點睛，黑松露味勁濃，令人忍唔住係咁點嚟食😝
開心果慕絲撻 $58
最後仲叫咗個招牌嘅開心果撻甜品，擺盤擺得好靚😍撻入面充滿着開心果慕絲，而面頭嘅開心果碎亦都有特別烤過，食得出烘烤過嘅香味😛
張貼
