搞餃鎮

營業中

休息中

石門的食店愈來愈多，不論商場內外都人流勁多。經朋友推介，就揀左石門站對出就見到大排長龍的「搞餃鎮」，入到去先知，出面排隊的人流都是買外賣、買生餃的。入到去見到簡潔的裝修，木枱木凳，仲有小小吧枱位置，非常中式。 ⦁養生三拼 $70 / 9隻⦁新款雙拼 $56 / 6隻 養生三拼入面有准山野菌雞肉餃、紫菜粟米豬肉餃、帆立貝萵筍鮮蝦餃，共三款。湯餃可搭配一大碗花膠淮山鮮雞湯，入面真系有花膠，味道鮮甜夠味。三款餃子大大粒，准山野菌雞肉餃淮山偏爽口，紫菜粟米豬肉餃帶點甜，紫菜勁香。最後帆立貝萵筍鮮蝦餃系我地一致認同足料之餘，口感十足。 新款推介就揀左香芋腐竹鮮蝦餃、松茸蟹籽鮮蝦餃。香芋同腐有點不夾，但軟綿綿的口感非常特別！松茸蟹籽果款鮮蝦的量好多，配埋粒粒蟹籽每啖都有卜卜聲，松茸菇又勁香。