鮨点

營業中

休息中

沙田開咗新壽司店，有多一個選擇。星期五去都唔少人等位。呢間壽司店有外賣壽司、有堂食。餐牌裏邊選擇非常豐富。基本上有唔少創意壽司、刺身、卷物、熱食、甜品等等。豊盛雙蝦刺身$38有赤蝦及甜蝦。赤蝦幾大隻，甜蝦鮮甜。吞拿魚三品$44有吞拿魚蓉軍艦、吞拿魚及拖羅。呢個我覺得係必叫。吞拿魚蓉好食😋吞拿魚唔錯，拖羅幾肥美。花漾三文魚蟹肉杯$34呢個三文魚卷成玫瑰花咁樣、賣相幾靚。三文魚、蟹肉撈埋飯一齊食，創意壽司料理。海膽三文魚籽鹽炙日本和牛$26有海膽又有三文魚籽，非常豐富，仲配埋日本和牛。有豐富嘅口感。香辣日本和牛卷$36呢個真係好香辣，充滿七味粉與和牛口感交融！鮨味天婦羅$28脆脆紫菜上有甜蝦、海膽及蟹籽。松葉蟹肉四鮮丼$72有海膽、蟹肉、小柱及蟹膏，撈埋飯一齊食非常豐富！脆蜜糖手羽$34蜜糖味好夠，雞翼外皮幾脆！蜜桃雙層脆脆粒芭菲$30雪糕🍦大大杯，蜜桃香甜。