沙田新強記燒鵝海鮮酒家

營業中

休息中

講咗好耐終於約到屋企人晚餐食飯～嚟到新強記當然唔少得食燒鵝王，叫咗個例牌，估唔到都有鵝髀食，lucky! 皮脆肉嫩，一試難忘！而另一個招牌菜就係弛名雞粥，都係叫咗例牌，4個人食，每人有一碗之餘仲有多，雞油雞湯超香，粥亦煮得綿密。雞件每碗1-2塊。椒鹽九肚魚同鹵水鵝掌翼係媽咪細個時的回憶～椒鹽九肚魚外脆內軟，新鮮炸起熱辣辣，調味上剛好，大人細路食都啱口味。鹵水鵝掌翼則鹵得好淋好入味又唔會過鹹，媽咪都好開心食到呢兩道咁有水準菜式～最後還送了4碗糖水給我們，十分推薦一家人晚市來吃！