更多
2025-06-21
43 瀏覽
作為一個好鍾意食沙嗲牛麵嘅人,知道呢度新開左有間出名濃郁沙嗲湯底嘅餐廳,於是今晚就嚟咗食。手工沙嗲手切牛肉沾麵佢係以火鍋形式上枱,第一次咁樣食沙嗲牛肉麵,自己淥牛肉同淥麵,沙嗲湯底好濃郁,日式拉麵沾滿沙嗲湯底好掛湯,牛都幾重牛肉味,算新鮮。跟餐加$14有兩隻避風塘雞翼炸到好香口,少少辣好惹味。再加咗$9要蠔油生菜,呢個就正常。鮮茄湯手切牛肉麵揀咗都係拉麵,蕃茄湯底好濃郁,食得出係用新鮮蕃茄去製造,牛肉加蕃茄係一個唔會輸嘅配搭,佢嘅牛肉都係好新鮮。跟餐加$9有台灣百葉豆腐豆腐有三件,面頭嘅醬有少少麻辣,凍冰冰嘅豆腐口感再配上麻辣醬嚟食,夏天食好開胃。分別各加$3有白桃烏龍同埋冬瓜茶白桃烏龍係冇糖嘅,茶味都幾濃郁,有淡淡嘅白桃味。冬瓜茶唔會死甜,飲得好清爽。食咗咁多人均消費都係$90到,性價比真係非常之高。餐廳職員主動性好夠,服務態度好好👍👍。
手工沙嗲手切牛肉沾麵
佢係以火鍋形式上枱,第一次咁樣食沙嗲牛肉麵,自己淥牛肉同淥麵,沙嗲湯底好濃郁,日式拉麵沾滿沙嗲湯底好掛湯,牛都幾重牛肉味,算新鮮。
跟餐加$14有兩隻避風塘雞翼
炸到好香口,少少辣好惹味。
再加咗$9要蠔油生菜,呢個就正常。
鮮茄湯手切牛肉麵
揀咗都係拉麵,蕃茄湯底好濃郁,食得出係用新鮮蕃茄去製造,牛肉加蕃茄係一個唔會輸嘅配搭,佢嘅牛肉都係好新鮮。
跟餐加$9有台灣百葉豆腐
豆腐有三件,面頭嘅醬有少少麻辣,凍冰冰嘅豆腐口感再配上麻辣醬嚟食,夏天食好開胃。
分別各加$3有白桃烏龍同埋冬瓜茶
白桃烏龍係冇糖嘅,茶味都幾濃郁,有淡淡嘅白桃味。
冬瓜茶唔會死甜,飲得好清爽。
食咗咁多人均消費都係$90到,性價比真係非常之高。餐廳職員主動性好夠,服務態度好好👍👍。
張貼