十三姨 (通菜街)

營業中

休息中

今日, 因為人有三急既原故, 衝左入最近既十三姨!之前一直都Save低左要去呢間餐廳, 滿心期待左好耐個老闆娘煎鵝肝蛋飯。首先, 一黎就有個自家蝦片送。望落都幾靚, 5顏6色, 但食落就有D淋。跟住見到原本一袋袋一早整好左, 可能放耐左所以無咁脆。綠茶用左三個形網袋個隻獨立包裝, 一D都唔苦澀, 比起粉沖既更好飲。跟住主角就黎喇! 老闆娘煎鵝肝蛋飯賣相十分好, 三舊大大既鵝肝, 加埋真係有成隻手掌咁大, 見到唔餓都變餓。第一啖食個鵝肝, 香就唔算係好香, 味道上無太大既驚喜, 但係口感好特別, 外皮脆, 內軟! 有少少似BBQ燒綿花糖個隻咬口, 脆皮! 不過, 個飯本身有D辣再加埋菜晡, 食落有少少東南亞既口味, 原本仲以為似台灣味多D。可以去試一次, 但就無個想回頭既感覺。