Hokahoka

營業中

休息中

一早聽聞呢度野食唔錯，趁住去演唱會前黎醫肚。呢度裝修整體感覺都好有日本feel，入到去以為自己去咗日本嘅居酒屋，雖然環境唔大，但店舖細細，更顯居酒屋迫埋一齊嘅溫馨。鮟鱇魚肝配搭酸酸地嘅醋汁加上海藻沙律，味道非常清新又唔會膩。我未試過一次過食咁大塊鮟鱇魚肝，口感豐厚，質地軟滑，感覺好過癮。我以為呢個應該係前菜，點知等到最後先上菜。燒沙甸魚的肉質結實，魚油味重，魚皮燒得甘香，但要注意好多魚骨，要小心食，送啤酒唔錯！呢度串燒選擇幾多，連平常吃不到的雞頸肉、雞尾都有，不過無特別一款串燒令我有想encore嘅感覺。燒飯團都有啲失望，表皮唔夠脆，咬落就好似食緊一個普通微溫嘅飯團。