永發茶餐廳

營業中

休息中

我返工同住都係上水，問心嗰句，上水食肆其實選擇唔多，講起永發，由於有一人同事亂沖亂撞話試間未食過嘅餐廳做午餐，永發門口好唔顯眼，以前望入去真係唔知佢賣咩，一道手趟木門，遮左一大間鋪，加上隔離左右食肆林立，都普普通通。不過入面食物水準真心高，推介有佢椒盬豬扒飯，乾蒜香口再加葱油紅椒，浄係調味已經冇得輸，豬扒唔會炸到好乾好熱氣咁，飯大大碟，包飽。其次雞湯飯，晚上餐廳會做夜市，全場只吃雞煲，午市都會用晚上既好味鮮雞黎做，第一，雞湯唔係泡飯，係另上，咁就有飯、有湯、有肉，仲有個豉油就夜市打邊爐果隻，小辣但帶甜，好開胃，雞身好滑，就算食雞胸都唔會覺得鞋。仲有，魚香茄子飯，魚香有咸魚香，我本身唔食茄子，但佢煮得好冇茄子既青味。餐廳睇得出係家庭式經營。好有人情味。午餐食完，晚餐再食都認得我。上水雖然成日話比大陸人淪陷左,間間鋪都開葯房，但呢啲香港地係食肆真係要多多支持