北京樓 (太古城中心)

營業中

休息中

好耐無食片皮鴨襯生日去食返餐，之前北京樓俾我印象一向唔差，今晚之後永遠都唔會再去。2大2細叫咗個4人套餐，頭盆豆腐放幾pat 老干媽係上面，完全唔夾，又無味。醉雞正常。宮寶蝦球一上黎個皮已經淋，個汁又唔酸又唔甜，唔知想點。蟹肉羹都係無味。片皮鴨D皮癡埋一舊勁難攞，D鴨又油又無味。甜品豌豆糕都係無味，連小小甜都無。全晚最正常係個上湯豆苗。仲有小籠包，個皮出嚟仲係白色，都未蒸透。質素勁差。1600蚊食一個4人餐，食到一肚氣。