永興冰室

營業中

休息中

今晚我晚餐嘅選擇就係永興冰室，環境很乾淨光猛，因為時間較晚嘅關係，客人不是太多，很容易就找到位置;侍應態度不錯，雖然不算熱情但還是很有禮貌。 開始進入正題，晚餐我決定叫西冷牛扒配蘑菇汁意粉和最出名的咖喱雞飯厚多士，再加上杯足料嘅凍檸茶。 雖然西冷牛扒配蘑菇汁意粉價錢對於茶餐廳來講並不便宜，但係西冷牛扒絕對西餐廳嘅水準，牛扒大約有七成熟，份量有手掌咁大，而且很有牛嘅味道;而蘑菇汁係真係有蘑菇的， 味道很不錯。 絕對對得起佢嘅價錢。成個晚飯最期待就係咖喱雞飯厚多士，有別於一般甜品厚多士，厚多士裏便裝住嘅係咖喱雞飯，令人耳目一新。咖喱汁不是那種椰汁很重的，喜歡食辣咖喱的朋友可以一試。整個厚多士份量比望落去的多，對晚餐來說還是很實惠的。