極尚大喜屋 (加連威老道) (已結業)

我比較鍾意食日本野，所以好多時都會鍾意食日式放題多過去酒店食buffet！二來日式放題來講大喜屋係我嘅首選🤩而且佢分左唔同嘅level嘅大喜屋!可以滿足唔同需要嘅你!就尖沙咀來講,最貴嗰間係殿大喜屋，跟住就係極尚大喜屋，同大喜屋！呢三間價錢唔同，食物選擇都有分別，各取所需！適合唔同要求嘅你哋！因為準備坐月有排都冇得出街，所以就算食唔到生嘢都想滿足一下自己🤭同老公book咗位食極尚大喜屋！不過今次冇得食吞拿魚，可能關之前嘅新聞事！而刺身一如以往新鮮肥美，老公讚好！而且急不及待地點左海膽軍艦😍因為日式放題來講，有海膽軍艦嘅選擇真係唔多😬而且佢嘅海膽同飯嘅比例剛好！唔會話海膽得好少，飯團好大嚿！值得推介！而且佢有好多唔同嘅特色壽司配搭吸引值得一試！因為我唔食得生野，所以今次破例嗌咗個蒜油叉燒拉麵，細細碗好香嘅蒜油味拉麵亦好煙銀！燒菠蘿我記得之前食嘅燒菠蘿好似有皮，而家無皮我覺得仲正！而且食咗榴槤炸彈啦好香濃嘅榴槤味啦！芝麻雞翼次次都必叫嘅！