薈景

營業中

休息中

同老婆大人慶祝生日，例牌之選就係食自助餐，因為選擇夠多，啱哂貪心嘴饞既她。先講生蠔，每次限拎三隻，但唔使擔心要等候好耐，開蠔個哥哥神手快速秒開一隻😆今期供應既coffee bay個頭較細，但係好鮮味！仲有焗蠔食，不過煙肉就落得太多，食哂隻蠔仲剩反好多煙肉。涷龍蝦好多膏兼啖啖肉夠大隻，我老婆就鐘意食鐵板龍蝦，話熱食蝦肉鮮甜好多喎～白酒煮蜆好大隻，無沙，好香牛油同酒味。仲有燒物串燒提供，好惹味！甜品賣相好靚，不過如果出多d一口size 既蛋糕會好d，自己切會切到一忽忽😂左上個個係某酒樓名甜品，蓮蓉西米布甸，估唔到會係到都食到！呢間自助餐廳仲有幾個亮點，首先係飲品方面，提供紅白餐酒任飲。食品種類繁多，生蠔龍蝦剌身等海鮮都有，價錢本身都合理，但竟然仲有信用卡優惠打折，真係好抵食下。