影片
更多
2019-12-30
1941 瀏覽
年尾總是忙到不可開交...終於忙完有時間寫寫最近食既正野夜晚本身約左朋友食飯，但朋友俾老闆捉住要開會，我慘被放飛機無辦法之下唯有周圍蕩諗下食咩好其實太古廣場裡面都無太多適合我既選擇一來價錢太貴食唔起，二來高級餐廳從來都唔係我既品味行行下就見到商場超市入面有一間Triple O's上一次食已經N年前係海港城食...當時亦都係我第一次食，印象中唔係太特別，最深刻反而係價錢貴得有點心痛...不過當時都係出黎工作無耐...當年既人工同依家都相爭好大距離，依家食既話都唔會太心痛一於試多次Triple O's睇下味道依舊定係有進步包既款式唔算多選擇，但我自己本身就有選擇困難症...本身食漢堡就偏向係食牛肉既但係openrice見到食評好多都係講雞肉個款好唔錯，就令我開始心大心細啦最後都係決定忠於自己口味，揀左Original burger另外加$13換成蒜香芝士薯條，再另外加$22升級飲品做雲喱拿奶昔點餐後職員會俾部機你，食物準備好後會響起提示你去拎Original burger餡料簡單但口感豐富餡料包括有澳洲牛肉、生菜、蕃茄、Triple O秘製醬汁牛肉質地偏實而多汁，無落太多調味料反而更加食得
夜晚本身約左朋友食飯，但朋友俾老闆捉住要開會，我慘被放飛機
無辦法之下唯有周圍蕩諗下食咩好
其實太古廣場裡面都無太多適合我既選擇
一來價錢太貴食唔起，二來高級餐廳從來都唔係我既品味
行行下就見到商場超市入面有一間Triple O's
上一次食已經N年前係海港城食...當時亦都係我第一次食，印象中唔係太特別，最深刻反而係價錢貴得有點心痛...
不過當時都係出黎工作無耐...當年既人工同依家都相爭好大距離，依家食既話都唔會太心痛
一於試多次Triple O's睇下味道依舊定係有進步
包既款式唔算多選擇，但我自己本身就有選擇困難症...本身食漢堡就偏向係食牛肉既
但係openrice見到食評好多都係講雞肉個款好唔錯，就令我開始心大心細啦
最後都係決定忠於自己口味，揀左Original burger
另外加$13換成蒜香芝士薯條，再另外加$22升級飲品做雲喱拿奶昔
點餐後職員會俾部機你，食物準備好後會響起提示你去拎
Original burger餡料簡單但口感豐富
餡料包括有澳洲牛肉、生菜、蕃茄、Triple O秘製醬汁
牛肉質地偏實而多汁，無落太多調味料反而更加食得出原汁原味，同秘製醬汁配合得剛好
蒜香芝士薯條係新鮮即炸，送餐時係熱辣辣
面層鋪上大量芝士碎同沙律醬，芝士氣味超級香濃，點會唔好食?
薯條係連皮個種粗薯條，薯肉滿瀉，非常滿足!
雲喱拿奶昔好大杯，口味無想像中咁甜，加上濃郁奶味，質地打得好幼滑，飽腹感好重!
可惜佢地僅餘既分店位置對我黎講唔太方便，如果唔係我一定會多啲幫襯
題外話/補充資料：
佢位於超市範圍入面，位置唔算太寬敞，不過尚算可以接受
只係佢有部份位置係向外，好多時候都會令超市行緊而唔係幫襯餐廳既人以為係超市入面既公家櫈，坐哂係度霸住餐廳啲位置令真正既客人少左好多位置選擇
除左呢樣之外其實都幾騷擾到食客...因為通常霸住呢啲枱既都係家庭客多，即係會有小朋友
當然我唔係指所有小朋友都會令人感到滋擾，我指既係唔聽話比較曳個班
所以我隔離一坐低左成堆小朋友發出音波功，我即刻搬去第二個位置坐，避之則吉...
(以上食評乃用戶個人意見 , 並不代表OpenRice之觀點。)
張貼
