老坑火鍋

營業中

休息中

友人生日去返我地中學時代已經幫襯既呢間打邊爐，超過十年啦，還好佢個水準都keep 到👍🏻 識食一定叫蕃茄蟹湯底，我次次都預約左先，驚無啊嘛🙈 水滾記得飲碗湯食左蟹先😆 如果唔係蟹就老架啦，同埋放心飲多幾碗湯啦，佢加湯係真。加湯，唔係加水架❤️ 係呢度班 fd 一定叫田雞，因為好生猛，上枱仲郁緊架大佬😳平時食開脆鯇片今次試鯇魚腩仲出色，唔會話好實好嚡，又少骨，正啊😍 韮菜拼椰菜餃係我至愛🤤 隻隻都好飽滿，好多餡架🉐仲有油炸鬼炸魚皮蘿蔔薯仔呢 d 都係必點既~ 蠔都唔錯架，夠大隻，可以一試😉我地仲試左螄蚶同螺做小食，都幾好，下次又可以再叫多幾樣野啦☺️