影片
更多
2022-02-12
861 瀏覽
早幾個月前第一次食Octavium. 對於未識欣賞意大利菜嘅人嚟講, 大開眼界. 當時米知蓮一星.今日再食. 已經係米芝蓮二星. 老實講, 食物一樣. 但係貴咗. 午餐好多選擇都要加錢. 而且加唔少. 三款餐前小食. 每次嚟都有轉款. 抵讚! 由下而上, 第一款係蕃茄, 第二款係松露芝士波. 第三款有塊火腿係上面. 最考究係一啖入口發揮出唔同材料夾埋嘅味道.麵包就普普通通.第一道菜: 鵝肝. 配咗 Cantaloupe melon. 用嚟減低鵝肝嘅肥膩感. 但唔係特別有火花. 整體好食. 但唔係嘩一聲.第一道菜, 選擇二: Beetroot. 配咗 Ricotta. 夾到! 反而黑松露係呢個菜式唔突出.第二道菜: 紅蝦意粉. 名菜之一. 要加錢. 蝦肉鮮味膠口. 餐廳建議將蝦頭膏撈埋意粉食. 一流! 今日個意粉用咗個大湯碗. 賣相扣咗分.第二道菜, 選擇二: Tagliolini. 黑松露意粉. 都要加錢. 黑松露好多, 好香.第三道菜: Miyazuki Herb Wagu. 宮崎和牛. 又要加錢.西餐廳食和牛好難搞. 之前其他餐廳試過 medium 會好肥. 滿口油, 唔好食. M
今日再食. 已經係米芝蓮二星. 老實講, 食物一樣. 但係貴咗. 午餐好多選擇都要加錢. 而且加唔少.
三款餐前小食. 每次嚟都有轉款. 抵讚! 由下而上, 第一款係蕃茄, 第二款係松露芝士波. 第三款有塊火腿係上面. 最考究係一啖入口發揮出唔同材料夾埋嘅味道.
麵包就普普通通.
第一道菜: 鵝肝. 配咗 Cantaloupe melon. 用嚟減低鵝肝嘅肥膩感. 但唔係特別有火花. 整體好食. 但唔係嘩一聲.
第一道菜, 選擇二: Beetroot. 配咗 Ricotta. 夾到! 反而黑松露係呢個菜式唔突出.
第二道菜: 紅蝦意粉. 名菜之一. 要加錢. 蝦肉鮮味膠口. 餐廳建議將蝦頭膏撈埋意粉食. 一流! 今日個意粉用咗個大湯碗. 賣相扣咗分.
第二道菜, 選擇二: Tagliolini. 黑松露意粉. 都要加錢. 黑松露好多, 好香.
第三道菜: Miyazuki Herb Wagu. 宮崎和牛. 又要加錢.
西餐廳食和牛好難搞. 之前其他餐廳試過 medium 會好肥. 滿口油, 唔好食. Medium well 反而穩陣. 今日餐廳建議 medium rare. 搏一搏. 掂喎! 感覺唔太生. 牛肉味同脂肪好平衡. 如果菜多少少會仲好.
餐廳最後送個簡單甜品. 好食, 多謝!
總結一下: 環境Ok. 可能因為摘多咗粒星, 期望服務可以更好. 食物方面, 意粉超級出色. 主菜都有驚喜. 性價比就嘛嘛, 當然訂枱冇咁難. 一定會再嚟.
張貼
