18 Grams (已結業)

星期一係公眾假期，下午茶時間終於食第一餐啦！叫左個black truffle fried egg and toast，聽個名覺得其實應該都唔會太伏。黎到見到賣相非常一般，一d都唔instagrammable。菇同車厘茄都係會出水，搞到成碟野水汪汪。不過錯有錯著，原本烘得都算香口既多士索左d蔬菜精華之後會令人想一塊接一塊咁食炒蛋方面溫度足夠，而且加左奶炒，食到淡淡奶香多過蛋香。黑松露份量都多，但食到一半突然覺得非常之咸，望真d上面有一粒粒好似芝士粉咁既大細既粗鹽，點解d鹽唔係打蛋個陣加，而係加係個面道(重要唔溶)如果無左d鹽我會滿意好多。見到openrice好多人話佢食物水準一般，餐廳似乎真係需要嚴謹一d改善下質素。