我愛慢煮 (孖沙街) (已結業)

呢排落到勁大雨，約咗朋友去食我愛慢煮，行過去嘅時候，都已經成身濕晒。好難救翻今晚食咗乜嘢先，我哋叫咗個安格斯牛扒，仲有個帶子沙律，仲有個黑松露番薯條，但因為佢話今日冇寫返薯條轉咗做薯條，咁我哋都OK嘅。另外仲叫咗個蘑菇香菌雲呑。飲品方面就叫咗個青檸梳打同埋凍嘅水果茶，幾欣賞佢呢，嘅飲品唔會太甜，而且都好解渴。個牛扒佢係冇問我哋幾成熟嘅，所以我估佢哋係預設左，咁出到嚟大概七成到，都好啱我哋嘅口味。至於個薯條就真係新鮮滾熱辣炸起。個雲吞個湯底好好味，就算食晒啲雲吞都忍唔住飲啲湯。至於個帶子沙律啲菜都好新鮮只不過係個盤比較奇怪咗啲。環境方面比較暗一啲，所以就適合情侶嚟呢度食，有啲情調，談下心。