ShowTime Sports Bar

營業中

休息中

環境闊落，有唔少遊戲設施，例如桌球、投杯球 (Beer Pong)、飛鏢等等。氣氛唔錯，幾適合同朋友聚會輕鬆下。竹炭芝士牛肉漢堡配薯條 $118牛肉漢堡肉質ok，有肉汁但不算多。芝士夠溶。整體漢堡包汁唔多，就咁食會有少少乾，但點住旁邊嘅忌廉芝士醬汁就剛剛好。個人幾鐘意個忌廉芝士醬汁唔太濃味，唔會遮蓋哂啲味道。竹炭包好脆，將個包點住醬汁食會似食緊芝士火鍋嘅口感。但如果拎嚟點薯條就會濕左少少。虎蝦橄欖油香蒜意大利麵 $108除左有一隻蝦肉好散，其他蝦都好爽口。調味香濃，蒜蓉味突出，胡椒都落得重手，所以辣得好惹味。意粉較幼身，口感彈牙。