影片
更多
2023-01-28
527 瀏覽
Set Lunch $398p.p. (Include dessert)【Starter】・Green Salad with Walnuts🥗碟有機沙律菜堆到好高，份量好足。菜食落新鮮爽脆，唔苦澀，醬汁薄薄一層包裹住每片菜，配埋合桃碎食好香。・Bread ＆ Butter🥖🧈 麵包係法包，外皮比較硬同煙靱嗰種口感。值得一讚就係佢配呢款無鹽牛油好creamy，香奶味之餘亦好滑順，幫個麵包加唔少分。【Main】・Trimmed 10oz USDA Prime entrecôte steak "La Vache!" with special house sauce儀式感滿滿既牛扒，上枱前會有個架同點着兩個小蠟燭，但Gimmick作用大過保暖作用🤭 entrecôte steak其實就係肉眼扒，今次揀左5成熟同7成熟兩款對比一下。5成熟切開係粉紅色，唔會見到有血水，表面燒到焦香，入口肉質軟腍多肉汁，食落唔覺得有筋；7成熟切開明顯好少粉紅色，肉質食落無咁鬆軟，不過肉味就更濃更出。醬汁有芥末同松露牛油既味道，同塊扒幾夾。・French fries (Free-flow)呢個薯條炸得好好 -- 金黃
【Starter】
・Green Salad with Walnuts🥗
碟有機沙律菜堆到好高，份量好足。菜食落新鮮爽脆，唔苦澀，醬汁薄薄一層包裹住每片菜，配埋合桃碎食好香。
Green Salad with Walnuts
$4
273 瀏覽
1 讚好
0 留言
・Bread ＆ Butter🥖🧈
麵包係法包，外皮比較硬同煙靱嗰種口感。值得一讚就係佢配呢款無鹽牛油好creamy，香奶味之餘亦好滑順，幫個麵包加唔少分。
Bread & Butter
127 瀏覽
0 讚好
0 留言
【Main】
・Trimmed 10oz USDA Prime entrecôte steak "La Vache!" with special house sauce
儀式感滿滿既牛扒，上枱前會有個架同點着兩個小蠟燭，但Gimmick作用大過保暖作用🤭 entrecôte steak其實就係肉眼扒，今次揀左5成熟同7成熟兩款對比一下。5成熟切開係粉紅色，唔會見到有血水，表面燒到焦香，入口肉質軟腍多肉汁，食落唔覺得有筋；7成熟切開明顯好少粉紅色，肉質食落無咁鬆軟，不過肉味就更濃更出。醬汁有芥末同松露牛油既味道，同塊扒幾夾。
Ribeye Steak
117 瀏覽
0 讚好
0 留言
Ribeye Steak - Medium
97 瀏覽
0 讚好
0 留言
Ribeye Steak - Medium-well
79 瀏覽
2 讚好
0 留言
・French fries (Free-flow)
呢個薯條炸得好好 -- 金黃色既外表，咬落外脆內軟令人忍唔住一條接一條咁食。雖然佢個賣相好似同某M字頭快餐店一樣，但食落更加香脆，食得出個分別。不過薯條最大問題就係調味略咸，開頭食一兩條唔係好覺，食多幾條就覺得要飲水🙈 因為牛排調味較為簡單，如果大家配薯條食就會平衡返啲。
French Fries
67 瀏覽
2 讚好
0 留言
【Dessert】
・Mille-Feuille
三層法式千層酥睇落好吸引，食落酥脆，奶油香甜幼滑，而且見到雲呢拿籽，真材實料。上面灑上莓乾，食落酸酸地就唔會覺得膩。但其實數到佢塊酥皮得8層左右，如果可以再增加多幾層，口感就會更鬆化更驚豔。
Mille-Feuille
70 瀏覽
1 讚好
0 留言
・Lemon Meringue
檸檬蛋白批真係成餐最有驚喜！首先外面燒得好靚，上面個蛋白層堆到好高。其次一入口個蛋白霜好似棉花糖咁有空氣感，香甜鬆軟，配上酸爽軟滑既檸檬餡同脆身批底，味道同口感上都好有層次，推薦👍🏻
Lemon Meringue
240 瀏覽
2 讚好
0 留言
如果想黎慶祝生日可以係訂枱時講埋，當日餐廳上甜品時候就會播法國生日歌同埋侍應們圍住祝福你🥳🎂 幾有氣氛🎉🎊
張貼
