Cafe Pho 1975 (已結業)

餐廳主打越南食品，有飯、麵、Pizza🍕、小食、沙律🥗，好多選擇，總有一款啱你食，仲有甜品🍨同特色飲品。民生區餐廳，收價公道，味道亦不錯，客人絡繹不絕。手機點餐📱係現代化嘅大趨勢，操作簡單。順化牛爽腩🐂湯河粉 $54份量好大，牛爽腩舊舊都好大件，未至於好淋，不過都唔會靭。河粉粗幼不一，滑流爽口。湯底有九層塔香味，但有落味精，食完要追水飲。泰妃雞飯🐣 $65即係海南雞飯，有成¼隻大雞份量咁多，滑嫩啖啖肉。黃薑飯味道唔太突出，但都軟熟。安南炸春卷 $18網狀炸皮又厚又實，紅蘿蔔等素餡料，較為淡味。