蟹膳 (已搬遷) 新店位置

同幾位朋友打算上機前滿足一點, 早在幾天前訂座, 點知full 佐, 要排 waiting, 要當日先知食唔食到。我地一於碰碰運氣, 因為太想食蟹!.. 當天天氣麻麻, 仲有好多 flight delay, 可能正正係咁, 有人取消 booking, 終於俾我地執二灘, 真係超期待.我地全部點了行政套餐. 餐前小食, 枝豆, 飲下茶, 先吃蟹肉茶碗蛋.吃到這個, 已經太令人情緒高漲, 滑滑溜溜,沖入食道, 加上有蟹肉, 好吊癮的感覺... 天婦羅炸得鬆脆, 沒有粉感毛蟹到場, 服務員細心講解, 點樣煮法同食法, 我地目光都係停留在蟹上, 聽到幾多, 真的不知道囉.. 心急心急, 終於可以食啦, 慢慢拆, 用工具起肉, 一啖啖蟹肉搬入舌上, 呵呵, 太美妙啦, 可能大家都喜歡蟹, 都有不少蟹膏, 味道鮮, 好濃郁, 拌埋麵條一齊食, 都係一絕!甜品點了薑味雪糕, 記得娘親說過蟹係寒涼物, 一於食點薑驅寒 太完滿的一個午餐, 好好準備晚機. 下次,下次一定要再去!!