影片
更多
2022-11-08
2426 瀏覽
唔係註觀塘區返工友人帶路，都唔知呢座工廈一樓原來有呢間西餐廳空間感足夠，播住輕鬆音樂，燈光柔和，晚餐就係想要呢D FEEL........被安排二人卡位，坐得相當舒適。餐牌一邊係套餐一邊係散叫二人餐 ($598) 望落岩食，就唔傷腦筋啦二人餐嘅沙律係凱撒沙律，紅綠雙拼，灑上芝士粉，簡簡單單唔複雜。是日餐湯係菠菜忌廉湯，咸淡適中，飲到微微菠菜味，再配上意大利餐飽，和暖又飽肚。主菜係肉類及薄餅或意粉類各選一項，今晚餐單如下:首先出場係煙三文魚薄餅，切成6件，即叫即焗批底係薄脆底，食晒都無咁飽肚仲有空位食其他嘢; 材料以煙三文魚配火箭菜加芝士，食起黎以煙三文魚嘅咸香為主調，之後有少少酸甜醬汁味道，最後係火箭菜嘅獨有味道。輕鬆食晒.....哈哈.....。食緊最後一件薄餅時，呢客燒美國原隻春鷄就送到上枱，時間岩岩好。原隻春鷄燒好後開邊，咁就食得方便啦有燒汁跟上，但其實都幾夠味道，入口皮香肉嫩，無咩皮下脂肪，食得放心; 即使鷄胸肉亦唔多嚡口喎，切開時仍有肉汁留出，鷄肶位就更加唔駛多講，嫩滑呀。一路飲住咖啡 (餐茶)，一路食住甜品意大利雪糕泡芙，一甘一甜，一熱一冰，雙重味覺大對碰。呢個二人餐份量都
空間感足夠，播住輕鬆音樂，燈光柔和，晚餐就係想要呢D FEEL........
被安排二人卡位，坐得相當舒適。
餐牌一邊係套餐
一邊係散叫
二人餐 ($598) 望落岩食，就唔傷腦筋啦
二人餐嘅沙律係凱撒沙律，紅綠雙拼，灑上芝士粉，簡簡單單唔複雜。
是日餐湯係菠菜忌廉湯，咸淡適中，飲到微微菠菜味，再配上意大利餐飽，和暖又飽肚。
主菜係肉類及薄餅或意粉類各選一項，今晚餐單如下:
首先出場係煙三文魚薄餅，切成6件，即叫即焗
批底係薄脆底，食晒都無咁飽肚仲有空位食其他嘢; 材料以煙三文魚配火箭菜加芝士，食起黎以煙三文魚嘅咸香為主調，之後有少少酸甜醬汁味道，最後係火箭菜嘅獨有味道。輕鬆食晒.....哈哈.....。
食緊最後一件薄餅時，呢客燒美國原隻春鷄就送到上枱，時間岩岩好。
原隻春鷄燒好後開邊，咁就食得方便啦
有燒汁跟上，但其實都幾夠味道，入口皮香肉嫩，無咩皮下脂肪，食得放心; 即使鷄胸肉亦唔多嚡口喎，切開時仍有肉汁留出，鷄肶位就更加唔駛多講，嫩滑呀。
一路飲住咖啡 (餐茶)，一路食住甜品意大利雪糕泡芙，一甘一甜，一熱一冰，雙重味覺大對碰。
呢個二人餐份量都幾夠，由沙律餐湯至餐茶甜品都包晒，上樓開餐果然食好西。
張貼
