加藤屋 (黃禮賢大廈) (已結業)

要明白嘅，就自然會明白「比香港人多一個選擇」有幾重要。佢真係吉野家嗰種日式飯店，不過餐牌上嘅選擇應該更多。另外，見到佢嘅米真係珍珠米，粒粒短小但珠圓飽滿，食日本井係食呢種米嘛，貨真價實。至於味道呢，食完無失望(當然唔會有驚喜)，而且麻辣牛肉飯真係有麻辣味。當時問店員拎咗啲七味粉同食，食得出兩種辣味有分別。至於佢啲七味粉呢，係辣嘅當然，嗰間令人討厭嘅吉野家有提供酸薑及牛肉汁，而且又平啲，不過生活總要帶點堅持，大家要繼續杯葛無良心嘅食肆。