影片
更多
2025-03-30
84 瀏覽
我們一行三人，食完個韓燒之後，諗住去食個甜品啦，喺尖沙咀食完晚飯就喺附近搵甜品屋啦，其中一位之前已經係呢啲食過話唔錯，咁就一於去試吓啦。見間舖位唔多，都要等，咁就等啦，之後有客走啦，咁到我哋入坐，估唔到嘅係，一張四人嘅圓枱，居然要五個人坐(本身張枱已經有兩位食客)。之後嗰兩位食客走啦，跟住就有新食客入座啦，居然一張四人枱要六個人坐？唔知以為你呢間舖頭啲甜品好食到飛起喎。最離譜係如果你需要顧客三人同行，每人都要order甜品嘅時候時，咁你響入座前就同食客講清楚呀嘛，入去坐低之後，其中一位朋友因為太飽唔想食，最後我哋叫咗兩個甜品，當個職員嚟收餐牌嘅時候，就話落咗兩個order。不停重複話淨係落兩個order。我就叫咗個馬蹄爽加芋圓，個馬蹄爽有荔枝喺個驚喜嘅，OK嘅，但個芋圓口感就真係麻麻哋(需要另外加錢)。到埋單嘅時候，佢就話你哋係咪三人轉兩人？我都唔明佢問乜，原來佢嘅意思係你三人行有一個冇落order要收最低消費，咁你早早響食客入座前你就講清楚比食客知啦。雖然最後收費冇收到最低消費，但呢一啲用餐體驗實在吃不消！經過今次咁珍貴嘅用餐體驗之後，我相信全港冇晒甜品舖，我都唔會去呢度食囉！香港食
見間舖位唔多，都要等，咁就等啦，之後有客走啦，咁到我哋入坐，估唔到嘅係，一張四人嘅圓枱，居然要五個人坐(本身張枱已經有兩位食客)。之後嗰兩位食客走啦，跟住就有新食客入座啦，居然一張四人枱要六個人坐？唔知以為你呢間舖頭啲甜品好食到飛起喎。
最離譜係如果你需要顧客三人同行，每人都要order甜品嘅時候時，咁你響入座前就同食客講清楚呀嘛，入去坐低之後，其中一位朋友因為太飽唔想食，最後我哋叫咗兩個甜品，當個職員嚟收餐牌嘅時候，就話落咗兩個order。不停重複話淨係落兩個order。
我就叫咗個馬蹄爽加芋圓，個馬蹄爽有荔枝喺個驚喜嘅，OK嘅，但個芋圓口感就真係麻麻哋(需要另外加錢)。
到埋單嘅時候，佢就話你哋係咪三人轉兩人？我都唔明佢問乜，原來佢嘅意思係你三人行有一個冇落order要收最低消費，咁你早早響食客入座前你就講清楚比食客知啦。雖然最後收費冇收到最低消費，但呢一啲用餐體驗實在吃不消！
經過今次咁珍貴嘅用餐體驗之後，我相信全港冇晒甜品舖，我都唔會去呢度食囉！香港食肆有咁嘅經濟環境，寧願不想消費，都不在港消費，認真全賴有你。
張貼