甘の季節

營業中

休息中

糖水已經唔係話好好味，仲要趕客，又唔寫明用餐時間得半個鐘，我仲係2個人叫3樣嘢添，食到差不多夠鐘就先出聲話夠鐘，都好卑鄙者，我想外賣就叫我出面收銀俾錢先，然後又叫我埋埋張單，就叫我出面等外賣，我連堂食都未食完呀，咁樣做生意，又冇禮貌，睇下幾時摺

個別員工比較惡，叫客人坐同點餐係命令式。我老細都唔會咁同我講野。漏咗單sorry 都冇句，仲要俾面色我地睇。 野食正常既，但冇下次。 我想受氣會去澳牛，起碼人地會講唔該。

今日去到天水圍呢一間高性價比嘅糖水舖，見到好多人都有嗌花生腰果合桃糊，等我都試吓！味道又真係幾香濃，口感好幼滑，鍾意食Nuts嘅話一定唔可以錯過🤤果然冇令人失望😌芋圓桂花糕涼粉嘅桂花好香好清新，芋圓好煙靭，加埋涼粉，呢個配搭都幾新穎😋絕對可以一試！楊枝甘露雖然係糖水舖嘅基本款式，但非常欣賞店舖喺呢啲基本嘢上面都會花功夫🥹成碗楊枝甘露材料滿滿，真係食到底都仲有大大粒嘅芒果，仲要冬天食芒果甜品都係咁甜，呢個位真係加晒分👍🏽朱古力窩夫🥐窩夫個底係牛角包，上面有朱古力cream，上菜嘅時候個牛角包仲係熱辣辣，而上面嘅朱古力cream唔會太甜，一啖咬落去一凍一熱個口感好特別，建議可以加埋雪糕，成件事再昇華咗唔知多唔多人同我一樣，食甜嘢就會想食返啲鹹嘢😙口痕嗌咗個香菇豬肉燒賣，竟然都會有驚喜！食落去真係食到菇嘅香味😳而且口感彈牙，兩個人食一份完全唔夠，即刻要encore🤭

忽然間覺得血糖好低，立即要食啲甜點補充糖分。這間位於天水圍嘅甜品店有啲文青風格，試吓花生腰果合桃糊。花生腰果合桃糊口感香滑，而且質地又細、有着濃濃嘅腰果果仁香，又有合桃風味，再加些花生嘅香氣，完完全全是果仁風味，味道唔會好甜，但口感非常好，而且比好多大酒店嘅腰果好得多。

在這家甜品店的用餐體驗可謂是一次味蕾的盛宴。首先，我點了經典的楊枝甘露，這道甜品以其清新的口感和濃郁的芒果香氣而著稱。椰漿的香甜與西米的Q彈相得益彰，讓人一口接一口，欲罷不能。接下來是椰汁芋圓涼粉，這道甜品在炎熱的天氣中尤為消暑。涼粉滑嫩，搭配上香濃的椰汁和軟糯的芋圓，每一口都充滿了夏日的清新感覺。朱古力曲奇窩夫則是一個驚喜。外脆內軟的曲奇與香濃巧克力醬完美結合，讓人感受到巧克力帶來的幸福感。每一口都是對味蕾的一次奢華享受。花生合桃糊則是另一種風味，它濃稠而不膩，花生和合桃的香氣交織在一起，讓人回味無窮，是一道非常適合搭配茶飲的小吃。除了甜品，我還嘗試了牛肉球和燒賣。牛肉球外焦內嫩，肉質鮮美，而燒賣則是經典中的經典，每一口都能感受到豐富的餡料和鮮蝦的鮮味。總體而言，這家甜品店不僅提供了多樣化且美味可口的小吃，更讓我在每一道菜中都能感受到用心與創意，是值得再次光顧的一個地方！

位於天水圍銀座的糖水店「甘之季節」，溫馨的木系裝飾和各式美味甜品而聞名，為顧客提供了舒適的用餐環境。腰果合桃露以腰果和合桃為主要材料，經過精細的研磨，製成滑順而且口感香醇，營養豐富楊枝甘露楊枝甘露絕對係去甜品店廣東經典甜品，清新嘅口感和濃郁的芒果香桂圓馬蹄爽結合了桂圓的香甜和馬蹄的清脆，口感清爽冬菇豬肉燒賣呢款燒賣採用新鮮的冬菇和豬肉餡料，外皮薄嫩，內餡鮮美搭配醬油或辣椒醬，熱辣辣好好食牛肉球可以用優惠價$19換到小食，牛肉球選用新鮮的牛肉製作，口感彈牙。每一啖都能感受到牛肉的濃郁味道

我叫了兩碗糖水，還加了湯丸，結果兩碗都漏了！真是讓人失望。坐在那裡半個鐘頭，卻被告知時間到了，必須要趕人走。這種情況我從來沒有遇過，吃糖水竟然還要這麼匆忙，實在讓人感到不舒服，讓我對這家店的印象大打折扣！希望下次能有更好的體驗。

聖誕節食完咁晚飯，梗係要食返個糖水先至滿足四個人叫咗三款糖水，由於堂食條隊太長，所以叫咗外賣返屋企慢慢嘆蓮子陳皮紅豆沙$36陳皮紅豆沙有陣陣嘅陳皮清香，紅豆煲到起沙又唔會太甜，真心推介蓮子亦都夠鬆化，煲到溶溶地都幾好食椰汁紅豆芋圓$38椰汁暖暖地冬天食完暖笠笠，芋圓好煙靭配椰汁食幾好味紅豆亦都係腍腍地起沙，成個配搭都幾好食椰汁涼粉芋圓$42另外叫咗個凍嘅涼粉芋圓，呢個相對冇咩特別凍嘅椰汁冇咁好食，下次都係叫熱嘅好食啲

第一啖係細細個食嘅退燒藥水味，上面有粒士多啤梨，綿又唔可以稱得上綿，然後就冇然後了。$92搬呢舊冰出嚟我真係呆咗，只可以話呢個價錢有更多好選擇🤷🏻‍♀️食咗一半真係食唔落去，成肚氣走出去，見到好多人排隊😦可能只係個冰伏，其他嘢可能好食)?

去尖沙咀睇恐龍🦕化石，搵食，一早bookmark咗甘の季節，帶埋屋企人去。自己叫咗桂花芋圓涼粉$45，桂花糕冇乜桂花味，芋圓彈牙，涼粉皓耐冇食，呢期食仙草多。屋企人叫涼粉楊枝甘露，芒果🥭甜，楊枝甘露西柚有口感。坐得都舒服😌，每人至少要叫一樣甜品。

琴晚好開心，同個朋友食完西餐仲未傾夠，一落樓下見到間細細地嘅甜品店，二話不說入去食個desert再傾過。用手機點單叫咗兩個楊枝甘露，我同個friend都鍾意食芒果，佢要芒果加雪糕，我要芒果加涼粉。雪糕只有雲呢拿一款，撈埋啲西米就好快溶，所以阿朋友話要食得好快，佢仲加咗芋圓，但我唔鍾意芋圓嘅口感，好硬。我嘅芒果楊枝甘露加涼粉配搭就好完美，芒果仲係時令季節，夠甜，加埋涼粉，一軟一爽就好夾。值得一題係有位女員工好好，走嚟提醒我用手機落單嘅配搭會叫貴咗，幫我改返，服務態度相當好。埋單100蚊多少少，兩個甜品份量十足，喺尖沙咀呢啲咁嘅地段價錢算好合理，而且坐得好舒服。

我們於21/9（六）晚上八點🕗去到，都幾多人食糖水，用QR code下單。店員已經講明一人一碗。另外，亦有不少內地客人幫襯。❶芋圓桂花涼粉（$45）：見到一次可以滿足3個願望，加上有桂花啫喱咁得意，於是我就試吓。芋圓有幾款顏色，但食唔太出乜嘢味😹而桂花啫喱就清清淡淡，涼粉切到正正方方細細粒。不過值得一讚嘅係涼粉唔苦（試過有些店涼粉是苦的），夏天消暑一流👏🏻❷熱花生腰果合桃糊（$38）：重nuts味，磨砂口感埋單唔可以碌卡，但就有其他電子支付平台🤣餐廳樓面較窄，如果要去洗手間🚻，要穿過走廊，比較適合身型瘦削的人士🤪

我嗌左❤️紅豆西米芒果粒雪糕涼粉加左$8嗌芋圓加左$5嗌雞蛋🥚有齊晒我最鍾意嘅雪糕、涼粉和芋圓！😍😍超滿足呀！一次過滿足晒我所有願望！😍😍😍加左酸酸甜甜的芒果🥭水果，正好可中和紅豆🫘和雪糕的甜味～👍🏻紅豆🫘西米和煙韌芋圓為甜品添上豐富口感～😋雞蛋🥚原來會另上，可以保持熱度👍🏻。食完凍甜品食番粒熱騰騰嫩滑雞蛋很不錯呢～😋朋友嗌左❤️椰汁桃膠芋圓揀左凍食桃膠好大舊😍，好足料！👍🏻睇見都覺得好滋潤～🥰加左$5嗌雞蛋🥚加左$12嗌雪糕🍦

我從來都不會想食評的，我叫Keeta 外賣，落單後，不夠5秒打電話去更改轉熱糖水，店員同我講已經煮好，不可以改的、我反問一句糖水是立即煮？員工態度非常惡劣。這間糖水店用永遠不要去。

平日晚上九點多三人入座，大約食咗廿零分鐘 仲有一碗未食完侍應就過嚟收走食完嗰兩碗，然後話：「唔好意思 今晚比較多人 好多人喺出面等緊不過你食埋先」咁唯有即刻埋單走啦，再坐落去就阻人做生意明白香港地生意難做但係咁樣趕客走真係令人不太愉悅唔會再有下次